هاجر حليم.. لكل راجل حوش من دلوقتي علشان تودي مراتك باريس في عيد الحب الجاي!

أثارت الإعلامية هاجر حليم، جدلًا بتصريحاتها في برنامج “الجميلة والوحشين”، حيث وجهت رسالة للرجال مُعلقة : “لكل راجل، خزن من دلوقتي عشان تودي مراتك باريس في عيد الحب الجاي وتفاجئها!”، في إشارة إلى المبالغة التي تحدث في الإحتفال بعيد الحب والمفاهيم الخاطئة المرتبطة به”.

وأضافت هاجر، أن الرجل المصري موهوب بالفطرة في الكلام الحلو وقت اللزوم، حيث يبقى صامتًا طوال العام، لكن مع اقتراب يوم 14 فبراير يتحول فجأة إلى شاعر جاهلي، : “تلاقيه فجأة بيقولك: إنتي القمر اللي بينور لي حياتي، ومن غيرك الدنيا ضلمة، وأنا عمري ما حبيت قبلك.. وإنتي تقعدي تقولي يااااه أنا لقيت الحب الحقيقي!”.

لكنها أكدت على أهمية التفريق بين الحب الحقيقي، وبين من يتعامل مع العلاقات العاطفية وكأنه في إعلان شيكولاتة! مشيرة إلى أن الحب لا يُقاس بالكلام أو الهدايا الباهظة، وإنما بالأفعال والمواقف الحقيقية”.

وحذرت من الفكرة الخاطئة بأن قيمة الحب تُقاس بثمن الهدايا : “اللي يقولك لازم تجيبي هدية غالية عشان تثبتي حبك، ده حد عايز يعمل سبوبة مش علاقة! إحنا في زمن صعب، وكلنا بنحاول نمسك فلوسنا، فمش منطقي إنك تبقى طول الشهر بتعملي ميزانية وتيجي على نفسك، وبعدين يوم 14 تروحي تشتري له برفان بـ 3000 جنيه أو تجيبي بوكس فيه حاجات مالهاش لازمة بـ 500 جنيه بس عشان شكله شيك في الصور!”.

تصريحات هاجر لاقت تفاعلًا واسعًا على مواقع التواصل الإجتماعي بين مؤيد ومعارض، فهل بالفعل أصبح الحب مجرد مظاهر إستهلاكية؟