تحدث الزعيم عادل إمام كثيراً عن لقائه الأول مع زوجته هالة الشلقانى حيث قال في إحدى لقاءاته التليفزيونية: “أنا مكنش الجواز في دماغي، ولكن هي اتجوزتني، وهي كانت من عائلة إقطاعيين، فكان من الصعب جداً إنها تتجوز كومبارس، وأنا لما اتجوزتها اتجوزتها بعقلي، لكن بعد كده اكتشفت إني كان لا يمكن أتجوز غيرها”.
وتابع النجم عادل إمام:”كنا عند الأستاذ سمير خفاجة وفجأة لقينا الشبك اتفتح، بصيت لقيت شيء مبهج، وكل اللي حواليا حاولوا يعاكسوها، لكن أنا الوحيد اللي محاولتش لأني مبعرفش أعاكس أساساً”.
وتحدثت زوجته هالة الشلقانى عن قصة حبها للزعيم عادل إمام مع الإعلامي الراحل مفيد فوزي في لقاء تليفزيونى سابق حيث قالت: “أنا اللي أصريت إني أتجوزه لأنه كان خجول وكان شاب وخايف يدخل تجربة جديدة وفي يوم من الأيام قالي أنا مابفكرش في الإرتباط”.
وفي نفس اللقاء تحدث النجم عادل إمام عن كيف حضر لزواجه من هالة الشلقانى حيث قال:”أنا كنت فقير جداً وقولنا مش هنعمل فرح ونوفر تمن الفرح لحاجات تانية أهم، وبدأنا نجيب كرسي وبعدين تلاجه وبعدين بوتاجاز وأسسنا البيت سوا”.
يعتبر الزعيم من أهم النجوم في تاريخ الفن العربي، وقدم في السينما أعمالا خالدة في السينما والتلفزيون والمسرح، منها أفلام: (طيور الظلام، الإرهاب والكباب، خلي بالك من عقلك، المنسي، اللعب مع الكبار، الإرهابي، زهايمر)، وفي الدراما، مسلسلات (فرقة ناجي عطالله، أحلام الفتى الطائر، دموع في عيون وقحة، فلانتينو) وفي المسرح: (مدرسة المشاغبين، شاهد مشافش حاجة، الزعيم، بودي جارد، الواد سيد الشغال، أنا وهو وهي).
