أوضحت الفنانة إلهام شاهين عن كواليس مشهد الضرب والتعذيب الخاص بالفنانة منة شلبي، في الحلقة 13 في مسلسل بطلوع الروح، مشيرة إلى أن التعذيب كان حقيقيًا وليس تمثيلا.
حيث قالت إلهام شاهين: منة شلبي جسمها معلم من الكرباج، وهي اللي طلبت مني أضربها بجد، عشان يطلع المشهد حقيقي، وبقيت أقولها الكرباج جامد وهيعلم، قالتلي ملكيش دعوة، إحنا لازم نعمل المشهد صح، وفعلا عملت كدا، وتاني يوم جابوا كريمات علشان الكرباج معلم أوي على جسمها.
وأكملت: ده من أهم المشاهد لينا في المسلسل، والحلقة 13 من أقوى الحلقات، لأن كمية العنف كبيرة، ومشهد القتل بالرصاص من المشاهد المؤثرة جدا، والحلقة تقيلة أوي، وكمان نهاية الحلقة مع عمر، وأنا بهزقه، عشان بياخد روح وساب أم جهاد والحرقة والوجع الرهيب اللي كانت فيه.
وأضافت : والحلقة كلها مشاهد تقيلة، مفيش مشهد بسيط، وكلها متعبة لكل الناس اللي بتتفرج، واللي بيمثل، وجاتلي تعليقات من ساعة ما نزلت الحلقة؛ لأن الناس تأثرت بيها أوي.
مسلسل بطلوع الروح
مسلسل بطلوع الروح من تأليف محمد هشام عبية، ومن إخراج كاملة أبو زكري، ويشارك معهما في البطولة محمد حاتم، أحمد صلاح السعدني، عزت زين، أيمن عزب، هاجر السراج، محمود فارس، عادل كرم، وغيرهم من النجوم، وتدور أحداث المسلسل حول الحياة داخل مدينة الرقة المسيطرة من قبل تنظيم داعش الإرهابي.
