تغطية : ريان هاشم
تصوير : معاذ النجار
محمد ثروت من نجوم الكوميديا الذى لا أختلاف عليه بين الأطفال والكبار ولذلك قامت مجلة كلاسى بعمل ندوة فنية خاصة به لتكريمة على أدواره المميزة فى موسم شهر رمضان المبارك وكانت هذا أهم ما تم بالندوة..
لماذا لم تختار أن تصبح إمتدادا لتكملة مسيرة والدك الكابتن ثروت سعيد بطل مصر وأفريقيا في إلعاب القوي ؟
كان نفسى بالطبع ولكن قصر القامة …. في البداية حاول والدى إنه يدفعني للرياضة ، لعبت دفع القلة ، و رمي القرص ، ورمي الرمح .
و من هو محمد ثروت لمن لا يعرف؟
والدي هو ثروت سعيد مدير النشاط الرياضي بنادي الجزيرة …… رئيس نادي الرواد ، وبطل مصر وأفريقيا في رمي القرص . بكالوريوس تجارة جامعة عين شمس … متزوج عندي سليم ، دهب ….. زوجتي مني جمال ممثلة و مديرة اعمالي . ………. وبحب القراءة
لسة بتحب إلعاب الأطفال ؟ وهل محتفظ بيها ؟
بحبها جدا ولسة محتفظ بيها ، وعندي أوضة لعب وبلعب أنا وسليم مع بعض؟
ماهى قصة السيف اللي بينور ؟
أول سنة جواز ، رجعت ل مني معايا سيف بنور، وقلت ليها بصي لو النور قطع ، يبقي عندنا حاجة ننور بيها .
إمكانية القدرة علي أداء المشاهد التراجيدية ...رأيناها في مسلسل بين السما والارض … هل تريد عمل نقلات مثل هذة مرة أخرى ؟
في دور بيستفزك انك تعمله ، أنا بحب دا جدا، ودا حصل لما أتعرض علي مسلسل بين السما والارض من ماندو العدل ، كنت أول مرة أعمل الكاركتر دا ، دور صعب فيه إنفعالات كتير .
هل خططت أن تصبح كوميديان الأطفال وهل ستستمر على نفس النهج أم مرحلة مؤقته؟
هذا الطريق لم اخطط له ، جات كده ، هذة مسئولية كبيرة د”تبسط وترعب”في نفس الوقت ، الطفل من أصدق الجمهور لانه لو حس أنك صادق هايصدقك .لانه هو صفحة بيضاء ، أي جملة أو لازمة بقولها باخد بالي فيها مايكونش فيها “لفظ خارج أو إيحاء معين” . براعي كل دا حسب كل لازمة .
التجربة الحياتية لكل فنان ، بتشكل شخصيته … مين هي أكثر شخصية شكلت الكوميديان محمد ثروت ؟
أحنا كل العائلة دمها خفيف أبويا ووالدتي عندهم حس دعابة عالي ، كانو بيحبو الفن جدا ، الترفيه الوحيد للعائلة كان شرائط الفيديو ، في فترة حياتي خاصة 12 سنة الأولي بدأ تعلقي بالفن عموما .
فمثلا قصة فيلم المشبوه …. 5 سنين كنت بتعاقب بالفيلم دا ، العمل الفني كان بالنسبالي كطفل كان محبوب جدا .
مين صاحب الكلمة العليا في البيت ؟
أنا طبعا ، القرارات المصيرية لازم يكون رأي الراجل فيها كلمته العليا .
رامز جلال … هل غضبت منه فى تقديمه لك فى بنامجه هذا العام ؟
لا أنا ورامز أخوات … وأصحاب علي المستوي الشخصي والفني ، رامزيالنسبة ليا ( خد صاحبك علي عيبه ) لما اشوفه بقي .
عرفت المقلب إمتي ؟
عرفت بعد نهاية البرنامج …. أنا سهرت مع فاندام في إفلامه .
الناس شافت ان رامز السنة دي أقل نسبة ضحك عن كل سنة ؟
الفن عموما وجهات نظر أوقات ممكن تحب حاجة وأوقات لا ، في ناس حبت البرنامج السنة دي ، وناس ماحبتوش ، ولولا إختلاف الاراء … .
الكبير نجح لدرجة أنه سحب البساط من رامز جلال؟
أنا أرفض الكلام دا ، في النهاية دي أعمال فنية الغرض منها الترفيه ، ونجاح أي عمل ميزة ليه .
ماهي أسباب نجاح الكبير السنة دي من وجهة نظرك؟
العناصر الموجودة كلها علي رأسهم أحمد مكي ، وكذلك المخرج أحمد الجندي وعناصر التمثيل كلهم . كنت اتمني أروح مهرجان المزاريطة .
دورك في فاتن أمل حربي ليه تحدي كبير بالنسبة ليك ؟
دورى كان شكيب الإسكندراني المحامي ، قدمت دور اللمحامى من قبل فى مسلسل مأمون وشركاءه مع الأستاذ عادل أمام ، ولكن إمكانية إختلاف الشخصيتين كان تحدي كبير فعلا ، إمكانية تمثيل الدور زي ماكان مكتوب حلو وبعناية ، القضية المطروحة في المسلسل قضية مهمة جدا .
تابعت الخلافات اللي حصلت عن المسلسل أثناء وبعد العرض ؟
المسلسل من الإول رجح أنه يثير جدل كبير ، نظرا لان القضية شائكة في المجتمع عموما ، تفاصيل المسلسل كلها والشخصيات وأدوارها في العمل ، الرسالة الرئيسية كانت معاناة الأطفال في هذة القضايا . إثارة الجدل دي كانت حاجة متوقعة .
قدمت برنامج ماحدش فاهم حاجة ، هل ناوي تعيد التجربة مرة تانية ؟
أنا كنت حابب التجربة جدا ، والإتفاق مع الشركة المنتجة يبقي شكل نوستاليجيا ….. زي برنامج إبراهيم نصر الله الله يرحمه أتعمل بنفس التكنيك علشان الناس أول ماتشوفه تفتكر الأيام والبرنامج .
أتعرض عليا اعمل جزء تاني من البرنامج ، إعترضت علشان مفروض نعمل فكرة مختلفة ماينفعش نعمل نفس الشخصية في الشارع .
أيه الرهان والتحدي اللي بتقوم به من خلال أي عمل فني أو شخصية بتقوم بها ؟
أنه العمل يبقي جديد ويعجب الناس ، وتتفاعل معاه
هل تعتمد في إختيار أعمالك علي حجم السيناريو ولا أهمية الشخصية والدور ؟
أهمية الدور طبعا . ممكن الورق يبقي كتير والشخصية مابتقولش حاجة .
ممكن تغني مهرجانات ؟
لو الدور بيتطلب دا أكيد هعمل مثلما حدث هذا العام في دايما عامر في شخصية فائز وحش الرياضة .
أكتر المواقف الطريفة اللي بتمر بيها في العروض المسرحية ؟
نسيان النصوص …. أي حاجة بتوقع من معدات التصوير .
سؤال وأجابة سريعة..
لو ………… صدر قرار بتوقيفك عن التمثيل هاتشتغل ايه ………بتاع فول
لو ………. أتطلب منك تقتل شخص معين هايبقي مين وهاتقتلو بأيه ……………. الكئيب وهقتله ب إفيه
لو ……….. كنت عايز تخض حد في الضلمة هايبقي مين وإزاي ………. محمد إمام هاطلع ليه انا كده
لو …………… صحيت من النوم لقيت مناخيرك كبيره قوي هاتعمل ايه ……….. هبطل كذب
لو ………….. محكوم عليك بالإعدام وسالوك نفسك في ايه قبل ماتموت …………. نفسي أخرج
لو ……………… حصل وكتبت مذكراتك أيه الحاجة اللي مش هاتكتبها …………… تاريخي الفني
لو ………………..كنت من فصيلة الطيور تحب تكون اي فصيله وليه ……….. ببغاء ونسر
كثرة أعمالك في موسم واحد هل ممكن يؤثر علي أداءك للشخصيات ؟
لا أطلاقا أنا أول مابدأت العمل في موسم رمضان بدأت أعمل عملين كل كاركتر مختلف عن الآخر ، تحدي المنافسة بعملين مختلفين . تحدي كبير .
تحدي كبير وثقة في تكرار التعاون مع عدد من المخرجين كماندو العدل مثلا فما رأيك فى ذلك؟
هذة ليست أول مرة أعمل مع ماندو العدل ، اشتغلت معاه من أول أرض النفاق ،صاحب المقام ، بين السماء والأرض اوهذة السنة كانت مسلسل فاتن أمل حربي ، إرتباطي بماندو لانه مخرج شاطر صاحب مدرسة عنده تكنيك معين ، بالإضافة أنه بيحب الممثل اللي قدامه ، بيحب يطلع الممثل بصورة مختلفة عن اللي كان معروض علي الناس ، ودا اللي حققته معاه في بين السما والارض في كيمياء بيني وبينه كمخرج وممثل ، علي المستوي الشخصي أنا بحبه جدا .
مركز الإبداع الفني ماهو دوره في حياة محمد ثروت ؟
بالتأكيد فادني كتير جدا نظرا لان بدايتى كانت عليه عندما شاركت فى مسرحية قهوة سادة وقتها حققت نجاح كبير كانت بتتعرض في مركز الإبداع الفني للاوبرا المصرية ، ولم يكون بها دعاية ولكن أعتمدنا على تسويق الجمهور وأرائه فينا.
انا كنت وأغلب نجوم جيلنا الحالي دي الوقتي كانو فيها زي تايسون ،محمد فراج ، محمد سلام و حمزة العيلى بدايتنا كانت مركز الإبداع…..
لو عملنا فريق كورة من نجوم الكوميديا أيه التشكيل اللى هتعمله؟
جون بيومي فؤاد ، خط الدفاع أنور ، خاطر ، أوس اوس ، كريم عفيفي
خط الوسط ، حاتم صلاح ، مصطفي بسيط ، توب
الهجوم ، محمد سلام ، محمد إمام ،أحمد فهمي
لكل عمل تقوم به لزمة معينة ليك أيه أكثر لازمة الجمهور حافظها لك؟
مدي نجاح الشخصية بنجاح اللزمة ، دارت ياصيع ، أوي و أوي ، أهلا
بتخرج عن النص بنسبة كم % ؟
70% ، وساعات 80% بالإتفاق مع المخرج ، أوقات بنعمل بروفات للاعمال اللي فيها ارتجال وخروج عن النص .
أكتر عمل خرجت فيه عن النص ؟
كتير قوي منهم الفرح فرحنا أنا وأوس أوس و ( ناس كبار )، كان اغلبه إرتجال .
مش كل النجوم بيدو مساحة للفنان الكوميدى أنه يخرج إيفيهات مش موجودة بالنص مين اكتر فنان ترك ليك مساحة كنجم كوميديا ؟
كتير جدا من ضمن اللي أكن ليهم الفضل أستاذ عادل إمام في مامون وشركاءه ، وفي عدلي علام من ضمن المشاهد كان بيضحك علي اللي انا بقوله بيترك لى مساحتى ، و أستاذى الراحل سمير غانم كتير كنت بشتغل معاه كان ويترك لى المساحه أيضا .
-في رسالة كنت باعتها علي صفحتك لزوجتك ؟ظروف الرسالة
كنت متخانق معاها ، خناقة كبيرة والموضوع كان هايفلت مني ، إتصالحنا بعد الرسالة والحمد لله
دهب غيرت ايه في ثروت ؟
غيرت حاجات كتير ، قبلها كنت جرئ شوية ، مابخافش قوي ، الخوف علي نفسي زاد
سليم ودهب الأتنين غلاوتهم واحدة ؟ ولكن مين الاقرب؟
الأقدم ، أول مرة أحس الاحساس دا ، لاني أتربيت مع أخ ، قعدت فترة طويلة علشان أعرف أتعامل مع دهب أذاى ، في حاجات كتير بدأت تصحي جوايا .
ما اللقب الأقرب أبو سليم ولا أبو دهب ؟
أبو سليم
