أعلنت المطربة “شيرين عبد الوهاب “عن موعد حفل ختام قرطاج
ومن المقرر إقامته في دولة تونس يوم ٢٠ أغسطس وأعربت “شيرين “عن سعادتها قائلة “مهرجان قرطاج العظيم من أعرق المهرجانات، وجمهور تونس وحشني أوي أوي أوي وأي فنان بيغني قدامهم بيكبر بيهم.
وكشفت المطربة” شيرين عبد الوهاب” عن موضوع نهب زوجها السابق ”حسام حبيب” أموالها وذلك من خلال خاصية ask questions عبر حسابها الرسمي بموقع تبادل الصور والفيديوهات الشهير “الإنستجرام”
وعلقت شيرين قائلة : “بصراحة حق الله ان حسام عمره ما اخد مني فلوس، ولا استفاد مني ماديا، بل بالعكس تماما انا ماعرفتش احوش فلوس ليا غير لما اتجوزت حسام”.
وتابعت: “بعكس اللي بيتقال تماما هو كان بيحافظ ليا علي مالي ودي الصراحة، علشان دي حاجة هتسأل عليها قدام ربنا ودي الحقيقة”.
وأشارت :” لا يوجد خلاف بيني وبين عاصي ده أخويا الكبير وبيشيلني في عينه لما بروح لبنان عنده كمان مزرعة الخيل، والحقيقة أنا معنديش أي خلاف بيني وبين أي زميل أو زميله كلهم حبايبي وزمايلي وأتمنالهم يكونوا أحسن مني.
وأضافت :بسمع أغنية أنا إشتقتلك “فضل شاكر” لما بكون زعلانة، وأغنية أنا كثير أكثر أغنية بتعبر عني.
