كتبت :مريم عوض
ليست المرة الأولى أن تحدث مشكلة في الوسط الفني فقد يكون سببها سرقة لحن أو كتابة أو من أجل الدعاية.
و أعرب الفنان” أكرم حسني “ عن إستيائه لما وجه إليه من تهمة بسرقة كلمات اغنية ” للي ” من شاعر من جنوب مصر، وذلك نشر” أكرم“ منشوراً موضحاًوأرفق بتعليق قائلا ً;
قريت من شوية بوست بيتهمني بسرقة كلمات أغنية ” للي ” من شاعر من جنوب مصر الحبيب و بعدها أكتر من صحفي كلمني بيطلب مني رد علي الاتهام ده .. ف خلوني أوضح كذا نقطة.
وتابع :”كل الحب و الاحترام و التقدير لكل موهبة فنية بتقدم فن يحترم الجمهور و جنوب مصر خرجلنا شعراء و أدباء كتير علي رأسهم الخال الابنودي رحمة الله عليه
وأشار :” أؤمن بحقوق الملكية الفكرية كما أؤمن بأن السرقة الفنية تصنع نجاح مؤقت
وأضاف :”تشابه جملة من الأغنيه التي تتكون من ١٢ بيت مع جملة للشاعر لا يعني السرقة و انما توارد الافكار امر طبيعي
وأوضح :”لما كتبت الاغنية كانت مكونة من ٢٠ بيت اختار منهم الكينج ١٢ بيت و تم تسجيلهم ف معتقدتش اللي كتب ٢٠ بيت هتقف معاه في جملة عشان يسرقها
وأكد :”انا بكتب اغاني بقالي اكتر من ٨ سنين من خلال برامج و مسلسلات و اعمال فنية قدمتها و كنت علي سبيل المثال في أغاني برنامج أبو حفيظة قبل ما بستخدم لحن أي أغنية في البرنامج برجع لجمعية المؤلفين و الملحنين و اسدد الرسوم حفظا لاصحاب حقوق الملكية الفكرية .. ف اللي يعمل كده بيتهيألي صعب يحط نفسه في موقف زي ده
وأستكمل: انا مهنتي الاساسية ممثل و بحب صناعة الاغاني من باب الهواية ف انا مش محتاج اسرق عشان اعمل رصيد لنفسي كشاعر .. انا بعمل ده بحب
وأختتم: و أخيرا .. أنا كتبت البوست ده مش دفاعا عن نفسي و لكن لاحترامي للجمهور المحترم اللي بيثق فيا ف حبيت اوضح له
أشكركم و اسف علي الاطالة
والجدبر بالذكر آخر أعمال أكرم حسني أغنية للي للكينج محمد منير من كلماته وألحانه،وحققت الأغنية ٢٠٠ألف مشاهدة منذ طرحها.
