قام المطرب مصطفى حجاج، بطرح أغنية جديدة، والتي تحمل إسم “زحمة حياتي”، حيث حملت النسخة الجديدة من الأغنية توزيع جيتار جديد للأغنية لينهي بها أغنيات ألبومه الجديد “ياباي”.
أغنية “زحمة حياتي”، من كلمات صابر كمال، وألحان شريف بدر، وتوزيع وسام عبد المنعم، وميكس وماستر وتسجيل هاني محروس، وسبق تقديم أغنية “زحمة حياتي” من حوالي 7 سنوات منذ إنطلاقة حجاج في الغناء.
وجاءت كلمات الأغنية كالتالي:
قدرتي تفرطي في واحد بمال الدنيا يتاقل
صحيح الذنب كان ذنبك لكني بردة أتساءل
علشان فوت على عقلي حاجات ماتفوتش على عاقل
ما بين زحمة حياتي إزاي قدر حبك يلاقي ممر
لقيتك زي موج طايش سحبني عليه وغطى البر
وكل ما كنت أقول هرجع كل ما كنت ليه أتجر
ومن وقت أما ليه خدني مساقش عليا غير الشر
ولو حبك في يوم فادني فبردة مفادش قد ما ضر
ومين عاش اللي أنا عيشته ومش هيخيل عليه غشك
قدرتي توصلي قلبي يكدب نفسه ويحسك
سواد قلبك كتير لكن بيتدارى في بياض وشك
ما بين زحمة حياتى إزاي قدر حبك يلاقي ممر
لقيتك زي موج طايش سحبني عليه وغطى البر
وكل ما كنت أقول أرجع كل ما كنت ليه أتجر
ومن وقت أما ليه خدني مساقش عليا غير الشر
ولو حبك في يوم فادني فبردة مفادش قد ما ضر.
ومن الجدير بالذكر أن الفنان مصطفى حجاج كان قد طرح أغنية “حب مين”، وذلك على موقع التواصل الإجتماعي للفيديوهات الشهير “يوتيوب”، وهي من كلمات وألحان عزيز الشافعي، وتوزيع وسام عبد المنعم، وميكس وماستر وتسجيل هاني محروس.
