أقيمت ندوة لاستضافة الفنانة التونسية ” ساندي علي ” بمجلة كلاسي و أقيمت الندوة تحت رعاية عيادات دكتور / أسامة صلاح للتغذية ونحت القوام .
وجاء من ضمن حديث الندوة ما يلي :
– أحببت مصر بسبب طبيعة شعبها والألفة والطبية اللذان شعرت بهما في هذا الشعب وخفة الروح ولم أجد هذه الأشياء في أي شعب آخر .
– دخلت مجال التمثيل بالصدفة فلدي أخت تكبرني وهى الممثلة ” إيناس علي ” كانت تعمل في مجال التمثيل في مصر منذ عدة سنوات وأدت بعض الأدوار فى العديد من الأعمال ولدينا بعض الأصدقاء من الفنانين والممثلين فى مصر ومن ضمنهم الفنان أحمد رزق ووقتها كان الفنان “أحمد رزق ” يصور فيلم “حماده يلعب ” الذى هو من بطولته و الفنانة غادة عادل وكان هناك مشهد فى الفيلم فى أثناء المسابقة التى يقدموا فيها هو وخطيبته والمفروض يكون هناك ثنائى “كابل” منافس لهم فى المسابقة فوجدته بيكلمنى وبيعرض عليا دور البنت فى الكابل المنافس، وقولت له وقتها بس انا مش بعرف أمثل ولا دارسه تمثيل فقالى هتدربى على الدور وهيطلع كويس وكنت خايفة جدا لكن روحت وصورت الدور وبعدها بوقت قليل لاقيت بيتعرض عليا دور صغير برده فى فيلم ملاكى إسكندرية فقبلته وروحت صورته، و بعدها لاقيت بيتعرض عليا أدوار فى أفلام أخرى ولاقيت الموضوع جد فقررت وقتها أخذ ورشة تمثيل لانى مكنتش دراسة تمثيل خالص قبل كده أنا دراسه تجارة فروحت بالفعل وأخذت ورشة تمثيل وبعد كده بدأت أقبل العروض والأعمال التى تعرض عليا .
– أنا مش بصنف نفسى ممثلة إغراء ولا المخرجين مثلا لما بيعرضوا عليا أدوار مصنفنى ممثلة إغراء لكن أنا الدور اللى بحبه أو احس إنى اقدر اعمله واطلعه بشكل كويس بعمله، و كان معروض عليا من فترة دور فى عمل دور بنت فى الأرياف أو الصعيد يعنى والمفروض بسيطة فى المظهر وفى الملابس وكده وبعيدة عن الإغراء لكن أنا خفت من اللهجة الريفية أو الصعيدية خفت مقدرش أعملها مظبوط وخفت مقدرش اعمل الدور مظبوط فرفضته وقبلت دور تانى كان معروض عليا فى نفس الوقت فى عمل آخر ، لكن لو التصنيف كممثلة إغراء هيخلى ليا مكانة ومسيرة فنية زى” هند رستم ” اللى انا بحبها جدا وبحب كل أعمالها وبحب اللون اللى قدمته جدا وبحب صدقها فى أعمالها وأدواها اللى قدمتها ففى الحالة دى أنا معنديش مانع اتصنف ممثلة إغراء .
