كتب: سارة هاني
واجه الفنان محمد عبد الرحمن ” توتا” مؤخراً أزمة صحية مفاجئة، انتهت به إلي إجراء عملية قلب مفتوح.
وقال توتا:” اللى فرحنى أكثر بعيداً عن تعب قلبى حب الناس و دعواتهم ليا وكمية الحب اللى شوفتها على السوشيال ميديا بعد ما فوقت فرحت جدا وده اللى ربنا كرمنى به حب الناس”.
وأضاف:”الحمد الله أنا في مرحلة التعافى وإن شاء الله أرجع زى الأول و مبسوط إنى خسيت والظروف الصعبة في فيلم دعوة عامة جات آخر يوم لما أنا تعبت والأجواء كانت جميلة وكلنا كنا مبسوطين وجينا على نفسنا عشان نعمل حاجة حلوة تعجب الناس”.
يذكر أن توتا تدهورت حالته الصحية أثناء تصوير فيلم “دعوة عامة” وفي هذا الصدد حكي مخرج الفيلم وائل فرج، كواليس تصوير فيلمه قائلاً:” كواليس العمل كانت لذيذة و التعامل مع الفنان أحمد الفيشاوى سهل والتجربة كويسة و أنا دخلت المجال كمساعد مخرج الأول واشتغلت مونتير لسنين و ده فدنى في المونتاج بس أنا طول الوقت من جوايا مخرج”.
وأضاف المخرج وائل فرج، محمد عبد الرحمن اتقربنا لبعض خلال التصوير وعرفته و حبيته جدا وبقى أقرب ناس لقلبى، والمشكلة الصحية لما حصلت لتوتا كان عندى مشكلة أزاى الفيلم هيكمل و كان آخر يومين شغل أكشن ومجهود كبير وهيكون تعب عليه ووصلت لحلول واستكملنا الفيلم في يومين التصوير وكان لازم اتصرف حتي يكتمل الفيلم ويكون جاهز للعرض في الوقت المحدد والمتفق عليه.
