كتبت :مريم عوض
ظهرت الفنانة آمال رمزي ضيفة في برنامج نص الكلام مع الإعلامية راغدة شلهوب، وتحدثت عن علاقتها بالراحل النجم أحمد زكي، والزعيم عادل إمام.
و كشفت الفنانة آمال رمزي عن رأيها بعمليات التجميل قائلة :أنا ضد عمليات التجميل للفنانات، لأن ربنا خلقنا زي ما إحنا وفي عمليات كتير بتشوه،و أحيانا بذهب إلى العزاء بلاقي كلهم زي بعض،عمليات تجميل نادية الجندي عجبتني.
وتابعت :اتهامي في قضية دعارة كانت متلفقة، بسبب انتقام أحد الأشخاص من الفنانة ميمي شكيب بعدما رفض استكمال علاقتها معه.
و أشارت :ميرفت أمين بحبها على المستوى الشخصي ومن الجيل الحالي أحب منة شلبي.
وأوضحت :مفيش أي واحدة من نجمات الجيل الحالي في جمال هند رستم؛ لأن جمالها كان طبيعي، دلوقتي بشوف حاجات صناعي كتير.
وأستكملت :المحامون كانوا في غاية الاستغراب بسبب اتهام 12 سيدة بممارسة الدعارة، ومفيش اسم راجل واحد في القضية وظهرت البراءة بعدها بشهرين.
وأكدت :القبلات في السينما بتكون تمثيل، إحنا فتحنا عنينا وإحنا بنحب السينما، ويعني إيه سينما نضيفة ومش نضيفة.
وواصلت :أحمد ذكي قال لي مينفعش تبقي مراتي لأنك حلوة، وأنا عاوز زوجة سوداء مش ممكن أسيبك وأروح لصفية العمري انتوا الاتنين زي بعض ، وعرض عليا أحمد ذكي أظهر في الفيلم ضيفة شرف، بنفس الأجر وكنت سعيدة بمشاركتي فيه لأنه نجح جدًا.
وأوضحت :التشدد اللي موجود اليومين بيدل على إنه فيه ناس إرهابيين اتزرعوا وسطنا، ومدفوع لهم فلوس.
و أشارت :عادل إمام كان المرشح لفيلم البيه البواب ولكن اعتذار وزعلت من عادل إمام لما اعتذر عن الدور، لأني كنت هعمل زوجته.
وأختتمت حديثها :تم استبعادي من فيلم البيه البواب من الفنان أحمد ذكي، لعدم رغبته في أدائي لدور زوجته.
