كتبت :مريم عوض
تصدر إسم الفنان” أحمد سعد “ محركات بحث جوجل فور ظهوره ببرنامج صاحبة السعادة، الذي النجمة “إسعاد يونس“، وكشف الفنان” أحمد سعد “عن كواليس أعماله الفنية وغيرها من الأمور.
وأشار :أكتر أعمالي في أغاني المسلسلات اشتغلتها مع عمرو سعد، عمرو أنا بحبه لأنه شخص بجد خطير مش علشان هو أخويا.
وتابع :أغنية سألت نفسي كتير محطة مهمة في حياتي، ولن تنتهي ومبتتنسيش، وهي أغنية فيلم الشبح للفنان أحمد عز، وهي من كلمات أيمن بهجت قمر، وألحان محمد يحيى.
وأضاف :إن أسرته لم تكن داعمة لفكرة دخوله المجال الفني، قائلًا: لغة الفن مكنتش واضحة عندنا أوي في البيت، ولما قولت إني عايز أدخل معهد الموسيقى العربية قالوا لأ خد شهادة الأول، بس أنا دخلت المعهد، وأنا وعمرو كنا داعمين بعض بشكل غير عادي، أنا بتقمصه بدرجة كبيرة، وعمري ما عملتله أغنية لأفلام أو مسلسلات ومخدهاش، 80% من شغلي في المسلسلات والأفلام مع عمرو.
وأكد : أنا ربنا كرمني في أول حياتي، إني اشتغلت مع أستاذ عمار الشريعي، وقالي هو أنا لما بديك أغنية حزينة بتفكر إيه؟ قولت له بفتكر حاجة حزينة، قالي إحنا في الدراما بنفكر في البطل، وبقيت أسأل على شكل البطل لما بغني أغنية مسلسل، ولما الأغنية بتجي في العمل أعتقد الناس بتشوف إني مش بعيد أوي وإني داخل الأحداث، ومسلسل البرنس قعدنا تريند 30 يوم رمضان بالرباعيات.
وأختتم: أغنية بحبك يا صاحبي لها موقف طريف معي خلتني أروح لـ حبايبنا في الأقاليم، وأول ما خلصت الموال وهما كل الفرح طلعوا على المسرح والمسرح كله وقع والناس وقعوا عليا، وشالوني وبيجروا بيا وأنا إيدي ورجلي مفتوحة، ناس طيبين وشوفت معاهم أحلى أيام، كل ناس وليها طعم وجمال وتقاليد، وكلهم مشتركين في الكرم.
و الجدير بالذكر آخر أعمال أحمد سعد أغنية عالجرار وهي من كلمات وألحان عزيز الشافعي و توزيع توما، وتجاوزت عدد مشاهدات على موقع الفيديوهات الشهير اليوتيوب.
