كتبت :مريم عوض
أثار الفنان “باسم سمرة ” الجدل حول تصريحاته مع الإعلامي عمرو الليثي من خلال برنامج واحد من الناس
حيث كشف” باسم “حقيقة مشهد الدفن في منعطف خطر قائلا ً:كان عندي بنت أتولدت وقعدت في الحضانة شهرين وتوفت، كنت في المستشفى وحالتي النفسية سيئة جدًا.
لما قدمت دور أب بيدفن بنته في منعطف خطر، استحضرت حالتي من موقف موت بنتي.. شيء مؤلم أن في حاجة صغيرة تدفنها وتسيبها وتمشي ربنا ما يكتبها على حد
وتابع :ريهام عبد الغفور النجمة الأولى في مصر.. كانت وش الخير عليا.
وأشار :أتحدى محمد رمضان في أي شيء، وعندما قال أنا نمبر وأنا قولت له تعالى نعمل مشهد ونشوف مين نمبر وان، وجالي البيت واتعشينا مع بعض وهو رجل لطيف.
وأكد :طريقة محمد رمضان تشبه لاعبي البوكس في أمريكا، ممكن تعمل استفزاز تعمله تارجت ومشاهدات، وهو شايف طريقه كده وناجح، راجل ناجح أنصحه بإيه، مش محتاج نصيحة، لكن أتمنى له التوفيق.
وواصل :أعشق الفنان محمود المليجي وكذلك الفنان أحمد زكي والفنان يحيى الفخراني، وما يفرق ممثل عن ممثل هو المصداقية.
وأستكمل :أحمد السقا والمخرج حذفوا مشاهدي من فيلم إبراهيم الأبيض رغم وجود مشهد خطر إني أعمله.
وأختتم :موتوني في فيلم الجزيرة علشان مبقاش موجود في الجزء الثاني، ولو كنت موجود كنت هعمل قلق ليهم وكانوا هيقعدوا في البيت وأنا أشطر من أحمد السقا.
وفي نفس السياق رد المؤلف محمد دياب على هذه التصريحات صرح إن النجم أحمد السقا، هو اللي ورا موته في فيلم الجزيرة وسبب استبعاده من الجزء الثاني.. كمؤلف لفيلم الجزيرة شهادتي إن أحمد السقا، عمره ما تدخل في السيناريو، مخرج الفيلم الأستاذ شريف عرفه معندوش نجوم يفرضوا رأيهم ولا حتى يتدخلوا في العمل.
وتابع :شخصية حسن اللي لعبها باسم سمرة، مستوحاة من شخصية حقيقة ماتت في الحقيقة وده سبب إني اخترت أموت الشخصية.. اللي متفق فيه مع باسم إنه ممثل عبقري ويستحق أكتر من النجومية والنجاح اللي هو فيه.
