كتبت :مريم عوض
ظهرت الفنانة” سماح أنور “ ضيفة من خلال برنامج كلام الناس التي تقدمه الإعلامية” ياسمين عز“ على قناة إم بي سي مصر
وكشفت عن كواليسها بمسلسل “اللية واللي فيها” قائلة:كان هناك بعض المشاهد في مسلسل “اللية واللي فيها” بنعيدها 20 مرة، لكي يظهر الآداة بشكل مميز، وكان هناك مشهد قمنا بتكراره 6 مرات لكي يظهر تعبيرات وجهي وأنا نايمة في المشهد كانت مشدودة،و أنا شكرت المخرج هاني خليفة لأنه قدم المسلسل بطريقة عبقرية.
وأضافت :بقالي 17 سنة مشربتش مياة، لازم المايه ميبقلهاش طعم ولا ريحة، دي مواصفاتها، المايه كلها ليها طعم وليها ريحة دي مبشربهاش، لما باخد منها جسمي بيضايق وبطني بتوجعني.
وأوضحت :ليس ضروري شرب الماء ، أحنا بنأكل فاكهة وبناخد منها المايه ودي السكريات اللي بيحتاجها الجسم طول الوقت، ولو وقفت في الهواء الجلد بيشرب الرطوبة اللي في الهواء
وتابعت :مجتمعاتنا بتتميز بشكل الحماة اللي بتتدخل في كل شيء، لإن الحب والاهتمام عندنا بيُترجم بإن دا تدخل، وده خطأ شائع، والحموات إحنا سميناهم حموات عشان كل أم بتحامي لأولادها.
وأكدت : أنا بحس إن الكلام في حياتي الشخصية عيب ودي قلة قيمة، لإن أنا سمعت الكلام ده في البيت، وبحس إنه علم لا ينفع وجهل لا يضر.
وأكدت :أنا مستمتعة لوحدي وأنا في سن مش بتاع حب، وبعدين لسه هقوم أحط ميكب وألبس وأنزل ونسهر ونرجع طب وشغلي وبكون عايزة أنام؟ وأنا من الناس الكسولة واتعودت على البيت ومش بحب أخرج إلا إذا كان عندي شغل.
اتعودت أبقى لوحدي وبقى دا نظام حياتي ودي جنتي والحياة المثالية ليا.
وأستكملت: هو ده اللبس إن الناس لما بتتفرج على عمل بتفتكر إن الممثل عامل كده في الحقيقة، أنا مفيش دورعملته بيمثلني لغاية دلوقتي خالص ومش هعمل كده، مينفعش إني اختار أكون ممثلة وأزعل من آراء الناس، أنا هتضايق لو الموضوع شخصي، ولكن دي مهنتي وده مش أنا.
وأختمت :الفنانات بيدخنوا في الخفاء لأن المجتمع منغلق انغلاقا كُليا، والناس اللي بتنتقد أخلاقيات غيرها هما أكتر الناس اللي لا يلتزموا بأي أخلاق، وهي دي مشكلتنا إننا كدابين بدرجة لا نتصورها عشان كده الشخصيات العامة بتخاف تكسر صورتها قدام العالم.
