كتبت :مريم عوض
كشف نور النبوي من خلال برنامج معكم التي تقدمه الإعلامية منى الشاذلي حبه للتمثيل قائلاً:أحببت التمثيل أثناء مشاهدتي لفيلم أفريكانو.
وتابع :مكنتش عايز اسمي يكون نور النبوي، وكان نفسي أبعد اسمي عن اسم خالد النبوي.
وأضاف :كنت متيم بالسينما وكنت أحيانا أشاهد 5 أفلام في اليوم، وأنزل السينما لوحدي أتفرج،و مكنش ليا دور في مسلسل راجعين ياهوى، والمخرج محمد سلامة كلمني بيقولي في دور حد رفضه، ورجعت البيت لخالد النبوي وكان بيقول: مصيبة إن الراجل مشي وساب الدور، قولتله أنا المصيبة، فقالي: طيب ربنا معاك .
وأشار :مكنتش أتجرأ أني أطلب من خالد النبوي إنه يدخلني في دور؛ لأنه كان رافض من الأساس، ومكنتش أعرف أن الناس هيحبوا دوري في مسلسل راجعين ياهوى.
وأكد :اشتغلت في المسرح ببلاش عشان أتفرج على المسرح والأفلام.
وأستكمل :كنت بغني قبل مسلسل راجعين ياهوى وكان دايما صاحبي يقولي صوتك وحش.
ـوواصل :ولما غنيت قعدت في العربية وقفلتها وعليت الصوت وسمعته الأغنية عشان يعرف إني بغني.
وأختتم :والدي كان رافض أني أنا وأخواتي ندخل في مجال التمثيل؛ لأن أي حد هيفتكر أني دخلت واسطة.
والجدير بالذكر آخر أعمال نور النبوي مسلسل راجعين ياهوى.
