كتبت: آية رجب
نشر الفنان والسيناريست “عمرو محمود ياسين” عبر حسابه الشخصي على موقع التواصل الإجتماعي “فيس بوك” يحمل عنوان ساخر موجه لمنتقدي لاعب الكورة “محمد صلاح”.
علق نصًا على مقطع الفيديو الذي نشره وكتب “نفسي ينظموا بطوله او مسابقة للافوره ..عشان المركز الأول مضمون”.
ظهر عمر من خلال المقطع وهو يقود سيارته وتحدث قائلًا: ” هو كل ما محمد صلاح يعمل حاجة لازم يكون لينا رأي فيها، يعني لو الراجل مثلًا داخل الحمام اعتقد هنقول رأينا، وموجة الوطنية الرهيبة دي اللى عند الناس اللي بيتكلموا عن الملكة اليزابيث”.
واستكمل قاىلًا ” طيب ياجماعة عادي يتفرجوا على ماتشات الدوري الإنجليزي المملوك للأسرة المالكة، عادي ندفع فلوس ونروح إنجلترا ونيجي على الراجل اللى نزل تويته بيعزى فيها العيلة المالكة اللى الأمير وليام أحسن استقباله، الراجل أمه ماتت صلاح قدم العزاء.. بس أزاي؟، الملكة تملك ولا تحكم”.
وأضاف: ” هي الأفورة دي هتنتهى أمتي وبعدين إحنا بتجمعنا بـ إنجلترا علاقات صداقة وعلاقات طيبة بقالنا كتير، موضوع الإستعمار بين الدول الكبرى والعظمى الكلام ده اتغير، أفكار زمان اتغيرت، ولا إحنا مش لاقين حاجه نعملها”
وكان وقد تعرض “محمد صلاح” لاعب نادي ليفربول ومنتخب مصر لحملة من الهجوم مؤخرًا بعد تقديمه واجب العزاء في وفاة ملكة بريطانيا عن طريق تويته عبر موقع التويتات الشهير “تويتر”.
