كتبت سهام صلاح
تحدث المسؤول الإعلامي عن شركة ميلودي ستارز للإنتاج الفني والتوزيع،
حيث صرح: أول مرة أعرف إن الرقابة على المصنفات بتسرق شغل وتديه لسيناريست تاني،
فيلم تاروت قصة المخرج أحمد عياد الرشيدي، سيناريو وحوار محمد مكي وأحمد عياد الرشيدي
القصه كالآتي: تم تسليم السيناريو للرقابة سنه 2021 مع فيلم أوجي مع بعض وكنا ناويين نشتغل في الفترة المقبلة ثلاث أعمال مع بعض
بإذن الله ومكلمين شركات توزيع على الأعمال تاروت وأوجي، استلمنا أوجي وكل مرة نروح الرقابة يقولوا مش لاقين النسخ
نتفاجئ النهارده بالكلام ده الفيلم لمؤلف آخر وإحنا فيلمنا مش لاقينه في الرقابة اسمه ايه الكلام ده.
وأضاف: بكرة هنشوف موضوع ده ولو حقنا مجاش في فيلمنا هنرفع قضية في الرقابة اللي بتسرق أعمالنا وبتديه لحد تاني
الفيلم من 2021 وإحنا نهاية 2022 قفلنا السنه ولسه مستلمناش الفيلم من الرقابة
بحجة إصل مش لاقيين النسخ وآخر مرة قالولنا مش معاكم وصل متخافوش.
وتابع: فين حقنا يادولة، نطالب شركة الإنتاج بوقف هذا العمل يا إما هنضم شركة الإنتاج من ضمن الحرامية اللي بتسرق الأعمال لتنسبها لنفسها.
وفي سياق متصل يستعد المخرج أحمد عياد الرشيدي لترشيح باقي نجوم فيلم تاروت
الذي من المقرر تصوير معظم مشاهده خارج البلاد، وتدور أحداث فيلم تاروت في إطار من الأكشن والغموض والرعب.
يذكر أن فيلم تاروت ثاني أعماله السينمائية حيث كانت أول أعماله فيلم ساحر النساء الذي مقرر طرحه الأسابيع المقبلة
بعد عدة تأجيلات بطولة كل من محمد سليمان، راندا البحيري، ندى بسيوني، سميرة عبد العزيز.
