“احنا اكبر من أننا نتكلم على صفحات الفيس بوك” مراد فكري يرد يوجه رساله لابنه سعيد صالح

كتبت: مريم الشافعي

وجه الفنان “مراد فكرى” نجل الفنان صادق فكرى رسالة إلى هند سعيد صالح، يوضح خلالها موقف والده من التصريحات التى أدلى بها مؤخرًا بأحد البرامج عن النجم الكبير سعيد صالح.

وقد واجهت هذه التصريحات بكثير من الغضب، مؤكدًا حبه هو ووالده للنجم الراحل سعيد صالح مضيفًا: “إحنا أكبر من أننا نتكلم على صفحات الفيس بوك يا بنت عمى وعمنا كلنا”.

وقد نشر مراد فكرى عبر صفحته الرسمية على موقع التواصل الإجتماعي “فيسبوك” رسالة لابنه سعيد صالح قال فيها: “أختى الغالية والفنانة بنت الأصول هند سعيد صالح طبعا انتى تعملى جيدًا عشقى واحترامى وتقديرى للنجم الكبير سعيد صالح و تاريخه منذ صغرى حتى تخرجنا زملاء وأخوات من المعهد العالى للسينما”.

وأستكمل: “إحنا أكبر من اننا نتكلم على صفحات الفيس بوك يا بنت عمى وعمنا كلنا .. كلام سليم جدا وهو بنفسه العفوية فى كذا لقاء قبل كده، قال: إن علاقته بالفنان سعيد صالح وعادل إمام كانت علاقة صداقة بعيدا عن الفن، واشتغلوا سوى كتير، وكل حد له وجهة نظر، لأن ده جيل عظيم، وفاهم وواعي، وخصوصًا أنهم جيل واحد كمان، والجيل ده معروف بالحب أصلا لحد دلوقتى كمان.

وتابع: “إن كانت كلمة طلعت غلط أو سوء تفاهم حصل بشكل مفاجئ مش معناه أنه قتل قتيل.. وراعوا السن والعفوية فى الكلام .. الناس دي أكبر من أننا نلوم عليها أو محاسبته بالكلمة؛ لأن سعيد صالح ده نجم كبير وفكري صادق فنان كبير، وشكرًا المتهمين للموقف وعارفين إن ده مش طبع والدى.. “

الحمد لله إحنا ناس فى حالنا مش بتوع تريند علشان الناس تعرف مين؟ وكل من عليها فان، وكلمة (فنان عادى)، كلمة لا تقليل شأن ولا سب وقذف لأي حد.. ولأن بيربطنى صداقة وزمالة مع أختى المونتيرة المبدعة “هند سعيد صالح” من خلال المعهد العالى للسينما وأنا من عشاق النجم سعيد صالح واشتغلت معاه مسلسل وكان إنسان جميل ودمه زى العسل، وقعدنا اتكلمنا كتير عن ذكرياته هو وأبويا سَوى كتير.”

ورغم ظروفه المرضية إلا أنه كان قيمة كبيرة جدا فى المكان والناس الكبيرة بيبقى معاهم عمرهم.. طالما لا يوجد إهانة أو سب لا سمح الله .. يبقى الموضوع سوء تفاهم، ويهتم توضيحه بشكل صحيح للناس فى أقرب وقت.. ولكل عشاق النجم سعيد صالح وأنا أولهم طبعًا.

وتضمنت الرسالة: “بس احتراما منكم ورجاء وليس أمرًا من حضراتكم.. بلاش نكبر المواضيع ونشمت فى بعض بالسرعة دى ونعلق لبعض المشانق علشان ممكن الحكاية تتفخم ويبقى موقف ويزعل ناس وإخوات وأصدقاء من بعض عشرتهم وصداقتهم قد عمر جيل كامل زى جيلنا الحالى.. وستستمر العلاقة الطيبة بين الأبناء لآخر العمر بإذن الله، ولن تتغير أو تفسد بسبب كلمة أو وجهة نظر اتقالت على الهوا بشكل عفوي.. دون مونتاج أو تجميل للكلام من فنان له تاريخه وأعماله وعمره يتجاوز السبعين الحمد لله وهو والدى الفنان فكرى صادق

والله يا جماعة اللي حصل ده بيحصل فى معظم البرامج المسجلة وبيحصل أكتر من كده كمان وكلنا عارفين وفاهمين … وبيتم تظبيط الكلام كله في المونتاج قبل عرض حلقة الضيف، وأختى هند سعيد صالح تعلم هذا جيدا، ولها بصمتها فى فن المونتاج لأكثر من برنامج، لكن برنامج الأستاذة لميس الحديدى .. برنامج على الهواء مباشرةً، لو كانت حلقة مسجلة ماكانش حصل كل ده الحمد لله.

واختتم قائلًا: “كامل اعتذارى بشكل أخوي لأختى الغالية هند سعيد صالح وللنجم الراحل سعيد صالح.”