“اكتبو الي نفسكم تحققوه”.. تامر حسني يوجه رسالة لجمهوره
كتبت :مي شاهين
نشر الفنان تامر حسني، عبر صفحته على موقع التواصل الإجتماعي الشهير “فيس بوك” بوست يوجه فيه رسالة لجمهوره.
حيث علق قائلاً :”لكل محبيني الكرام ، كلامي اللي في البوست دا نفسي يوصل للكل و ينفذه ، و محدش يسألني ليه بقول كدا بس اتمنى من كل قلبي انكم تعملوا اللي هقوله ، انا والله العظيم بحبكوا اوي يا جماعه ولا عمري حسيت نفسي معاكم غير اخ او حد من عيلتكم يلا دلوقتي حالاً كل حد فيكوا يكتبلي في تعليقه نفسه يحقق ايه الفتره اللي جايه ارجوكم شوفوا نفسكوا محققين دا و ان شاء الله هيحصل”.
وأضاف :” أرجوكم أرجوكم اكتبوا اللي نفسكوا فيه و عندكوا يقين كبير بالله انه هيحصل مش هتخسروا حاجه لو صدقتوني و عملته كدا مش جايز اطلع صح!! بس طبعاً نسعى و نجتهد بلا يأس و البوست هيفضل موجود لو حد حاله اتغير للاحسن و بدأ يحقق اللي كتبه يبقى يفتكرني بالدعاء”.
يذكر أن أخر أعمال الفنان تامر حسني هو فيلم” بحبك”، بطولة كل من تامر حسني، هنا الزاهد، هدي المفتي، حمدي المرغني، مدحت تيخا وغيرهم من النجوم، من تأليف وإخراج تامر حسني.
