عمرو سعد :صبا مبارك مترددة وبنت نكتة
كتبت :مريم عوض
كشف الفنان “عمرو سعد” من خلال تصريحات تليفزيونية عن كواليس أعماله وعن حياته الشخصية، وغيرها من الأمور.
وتابع :“سر ثبات شكلي ووزني و الكسل، أنا بسقط وفي أيام بتعدي مني في التفكير، دي أيام مش محسوبة من عمري، وصبا مبارك مترددة وبنت نكتة أسماء أبو اليزيد عندها تركيز أكثر من اللازم في الشغل، ياسمين رئيس قنبلة ضحك وذكاء.”
وأستكمل حديثه :“أحمد سعد يطلب مني عدم نصحه، هو ماشي كويس لوحده، ويقول لي “ليه تنصحني كنت نفعت نفسك”
وأضاف :“مصطفى شعبان عنده وسواس، طول الوقت والمعلقة في مية مغلية، وممكن يلبس كمامتين فوق بعض، وابني رامي خد مني الاعتزاز بنفسه، وعلي أخد مني حب التواجد مع الناس، وحبيبة ورثت مني الخجل الاجتماعي.”
وأكد :” فورمة العضلات كانت الأول لما أعمل دور، دلوقتي بقت جزء من حياتي، لإن الممثل لازم طول الوقت يكون جسمه فايق،
وأوضح :” مؤخرًا بدأت أهتم باليوجا والتأمل، وده بيحققلي تسامح مع الناس وتصالح مع الذات،و بتخلص من التوتر بزيارة السوبر ماركت، لإن شكل الفاكهة وألوانها بيعالجني، ممكن أغير شكل شعري لو حبيبة بنتي قالت شكله وحش. “
وواصل :” لما تاكل قليل تعرف تفكر أفضل وتشتغل بطاقة أعلى،وحضرت العرض الخاص لفيلم “المصير” ببدلة صاحبي ضياء. بدلة ضياء لفت في أفراح وعزا، ومش أنا لوحدي اللي أستلفتها. “
وأستكمل:“حاولت أغني في الكلية مع فرقة ضاربها السلك، الصوت ضرب وكل الفرقة سابتني، وأول مرة حاولت أغني كانت على مسرح مدرسة بنات في أولى إعدادي، وفضلت ساكت لحد ما واحد قال فين أم الولد ده تاخده.”
وأختتم :” لا يمكن ألبس على ذوق حد، بلبس حسب دماغي وذوقي بيتغير طول الوقت،و مفيش حاجة مشتركة بيني وبين أحمد سعد غير أبويا وأمي وإخواتي، وهو بيحاول يبقى زيي عشان أنا عظيم وعالمي،و معرفش مين رفضني في لجنة معهد السينما، وكان عندي ثقة عمياء إني نجحت. “
