عمرو محمود ياسين :” عندي مشروعين مهمين بيتحاربوا.. وهكون من المتفرجين
كتبت:مي شاهين
نشر المؤلف عمرو محمود ياسين عبر صفحته على موقع التواصل الاجتماعي الشهير” فيس بوك “، مقطع فيديو يكشف فيه عن بعض مشاريعه التي تُحارب.
حيث قال :” الفن يستطيع تقديم رسالة هامة لأنه قادر على التوغل في وجدان ونفس البني آدم، ويضخ أفكار مهمة في أذهان الجمهور دون أن يشعروا، والفن مؤثر جدا في الناس والأمثلة كثيرة”.
وتابع :”الفترة اللي فاتت كنت شغال على مشروعين مهمين بيحملوا قيم مهمة من وجهة نظري ومن نوعية الأعمال اللي هتأثر في الجمهور، ولكن عمل منهم بيتحارب بقوة والثاني لم يتلق الاهتمام والدعم الكافي وده شيء سيء جدا، وقررت الفترة الجاية هكون في مقاعد المتفرجين وعايز أشوف إيه اللي موجود في الوسط الفني”.
وأضاف :” وأنا شغال بردو وهكمل ولكن في حاجات تانية وبإذن الله المشروعين دول هيتعملوا بس سؤالي ليه المشروعين دول بيتحاربوا ومفيش دعم كافي ليهم؟ “.
