سهير جودة لـ برنامج “الستات”: الست اللي بتقول إنها مضحية هي ست مبتزة عاطفيًا»
سهير جودة لـ برنامج “الستات”: الست اللي بتقول إنها مضحية هي ست مبتزة عاطفيًا»
كتبت:نور سيد
علقت الإعلامية سهير جودة، خلال برنامجها «الستات» والذي يتم عرضة على قناة”النهار” على فكرة عدم تعاطف الأبناء مع الأم المضحية،
قائلة: «في بعض من الأجيال الجديدة تيجي تقوليلها أنا ضحيت وأنا عملت، هما مش هيتعاطفوا معاكي أو بعضهم هيشوفك ضعيفة ولستي قوية، وإن محدش أجبرك على كدة».
وأضافت : «وبعدين في ستات كتير دلوقتي على السوشيال ميديا بيشيروا إنها هي الست الجامدة اللي بتعمل كل حاجة، وأنا مديرة المدرسة، وأنا مديرة البيت و الحضانة، واضح إن الستات تعبوا من كتر الحاجات اللي بيعملوها».
وتابعت: «الستات أنواع، والنوع الأول هو مثل متن الكتاب، فإذا كان الإهتمام بالهوامش فلن يكون هناك عائلة، إذا أنا عندي إمرأة نفسيتها تتناسب مع المتن العام، بمعنى إنها مضحية، لأنها تريد ذلك، لأن ذلك هو الأمر الطبيعي التي تريده».
وأشارت: «الست هي رئيس مجلس إدارة والراجل مينفعش يبقى رئيس مجلس إدارة، الراجل تنفيذي، ولكن المرأة الناجحة هي اللي تكون رئيس مجلس إدارة بروح القائد، لا تعطي أوامر، وتعمل الحاجات صح زي ما هي شيفاها أو أقرب للمثالية زي ما هي متوقعاها، ولكن بطريقة فيها حب وفيها فن».
واستكملت سهير حديثها أن هناك نوع آخر من الستات يدعى بالست الهامش، قائلة: «ليها كل الإحترام، وهي بتكون عايزة تنتمي لبيتها وأولادها وجوزها، وعايزة كمان تنتمي لنفسها، في جزء لنفسها هي عايزة تحققه، وبتفضل تجلد في نفسها إنها ليست الأم المثالية».
وأوضحت إن هناك نوع ثالث من الستات تتمنى أن تكون متحررة ولا تريد أن تنتمي لأي نوع من السابقين، هي دائمًا متمردة، مشيرة أنه يجب على الست أن تحدد إلى أي نوع تنتمي، قائلة: «الست اللي بتقول إنها مضحية هي ست مبتزة عاطفيًا».
