أمير المصري يشيد بأمانة سائق أوبر بعد رد متعلقاته الضائعة
كتبت : مي شاهين
نشر الفنان أمير المصري، عبر صفحته على موقع التواصل الإجتماعي الشهير “فيسبوك”، صورة له بجانب سائق أوبر وأشاد بأمانته وجدعنته.
حيث علق قائلاً :”حصل معايا موقف امبارح وهو إني نسيت محفظتي وموبايلي في أوبر أول مرة يحصل معايا موقف زي ده، والمحفظة كان فيها كل حاجة بطاقة والفيز وفلوس وبطاقة إنجلترا كل إثبات شخصية ليّا!”.
وأضاف :” حسيت إن كل حاجة ضاعت كده ومفيش حاجة هترجع، وماكنش قدامي غير إني أكلم السواق اللي كنت متأكد إنه هيقولي ماعرفش حاجة عنهم، فكلمته وقالي إن المحفظة معايا، وجالي لحد البيت يرجعهالي، وكنت ناسي أني ضيعت موبايلي التاني فأكد عليه اكتر من مرة إني مش ناسي حاجة تانية لحد ما افتكرت الموبايل”.
وأختتم حديثه قائلاً:” عشان كده أنا حابب أشكره على أمانته وجدعنته، كان ممكن يقولي مالاقتش حاجة أو مايردش على الموبايل أصلا، لكنه ماعملش كده، وبجد شخصيات زي الراجل ده بتحسسنا ديمًا إن أصلنا جميل.. فلاقتني مش عارف أشكره ازاي غير بالبوست ده.. ف شكرًا كابتن أحمد حجاج”.
