إتجوز صغير عشان تعرف تجري في المحاكم ” محمود المهدي طليق منة عرفة يعلق ساخرًا
“إتجوز صغير عشان تعرف تجري في المحاكم ” محمود المهدي طليق منة عرفة يعلق ساخرًا
كتبت:شيماء يحيى
حرص محمود المهدي، طليق الفنانة الشابة منة عرفة، على توجيه رسالة للشباب المقبلين على الجواز، وذلك من خلال حسابه الرسمي بموقع تبادل الصور والفيديوهات انستجرام.
حيث كتب محمود المهدي عبر خاصية “ستوري”، بموقع انستجرام: “مش هقولكم الجواز وحش بالعكس حلو ودي سنة الحياة، بس لو هتتجوز في الزمن ده اتجوز وانت في سن صغير عشان هتجري كتير في المحاكم”.
والجدير بالذكر، التفاعل الدائم من قبل الفنان محمود المهدي مع تصريحات ياسمين عز عن الرجال.
وقد سبق ونشر تصريحها، وعلق عليها: “ والله رجعتي بصيص من الأمل للرجالة، بس دائمًا بيكون كلام البدايات بمبي وبعد كده عينك ماتشوف إلا النور”.
وفى خلال تصريح أخر لمحمود المهدي، تابع قائلًا: “أظن ياسمين عز لو اتجوزت شخص زي عريس الإسماعيلية ده هتغير فكرة إن حماتها يكون معاها مفتاح البيت، أنا مع بعض تصريحاتها وضد بعضها، أنا مش مع كل كلامها بس وحتي لو عايزة عريس ولو عايزة تركب الترند على الأقل في كلام بتقولة يعمر البيوت مش يقلب كيان البيت ويحرض الزوجة علي عيشتها”.
وتابع أيضًا :” هي مشيت بمبدأ تقل خيرًا أو تصمت.. فقالت خيرًا فياريت أنتي تصمتي مش أحسن من اللي بيركب الترند بكلام يشجع لخراب أسرة كاملة، لما حد بيركب التريند عشان بيقول كلام يساعد البيوت تعمر لازم نهاجم بقينا بنشجع أي حاجه بتساعد تخرب العادات والتقاليد الشرقية”.
ومؤخرًا وجه محمود المهدي مجموعة نصائح للسيدات، مضمونها :” ابعدي عن اي كلام بيحاول يهدم بيتك، متسمعيش كلام الاعلاميين أو السوشيال ميديا أو صحابك المنفسنيين،
وتابع:الراجل مفتاحه سهل عمره ما يجي بالعندـ الراجل بيحب الست مثقفة مش متفتحة شيك في لبسها ويعتمد عليها وتناقشه مش تجادله، متحطيش نفسك معاه في مقارنة انك زيه، احتويه بحيائك وأدبك ورقتك وكسوفك وصوتك الواطي،
واختتم:السبب الرئيس لفشل علاقات الزواج في جيلنا الحالي إن الست عايزة تكون راجل، السبب الرئيسي لنجاح العلاقات زمان الست كانت أنثي وبتعامل الراجل على إنه راجل”.
