علي الحجار: عمري ما قولت لإبني إعمل كذا ومحمد رشاد غني تترين ثلاثة سمعتهم صوته حلو

كتبت :مريم عوض

ظهر الفنان “علي الحجار“، من خلال برنامج “لايت شو ” التي تقدمه الإعلامية ” آية الغرياني “عبر قناة الحياة،

وخلال اللقاء أعرب عن بالغ سعادته بمشاركته مع الفنان محمد الحلو، في الليلة الخامسة من مهرجان الموسيقى العربية في دورته 31

 وتابع: “سعيد بمشاركتي بالغناء مع الفنان محمد الحلو، على مسرح النافورة بدار الأوبرا المصرية.”

 وأضاف: “جمعتني علاقة صداقة بالفنان محمد الحلو من عمر 18.. كل أنواع الأغاني وتاريخه كبير جدا.”

وأشار: شاركت منذ 31 عاما في مهرجان الموسيقى العربية بشكل سنوي،

ولو شخص وضع نفسه مكاني إنه من 31 سنة بيغني في المهرجان كل سنة..

هيكتشف بعد كل سنتين تلاتة جيل تاني من الجمهور يبدأ يجي مع أهله ثم بعد 5 أو 6 سنين بيبقي هو كبر وجاي بأصحابه من غير أهله.”

 وأكد : “السوشيال ميديا ساهمت في إنتشار أغاني قديمة بين الأجيال الجديدة،

وعملت حوالي 117 مسلسل ده غير الأغاني اللى جوا المسلسلات.. أصبح عندي فوق 3 الآلاف أغنية.

 وواصل: “أغنية سمرا وبعيون كحيلة نزلت سنة 1992 في جيل مكنش اتولد ساعة ما نزلت بقى دلوقتي بيطلبها مني في الحفلات،

مدحت صالح مطرب عظيم ،وكان نفسي أحمد حمال يغني تترات لأن صوته حلو”. 

وأستطرد: “صوت شيرين عبد الوهاب قوي وناجح وبيقول أي لون والإيقاع الشعبي والدرامي..

يارب تعدي محنتها دي على خير،وكل ما الشخص يكبر في السن والخبرة خوفه بيزيد أكتر لأن الفشل في التوقيت ده مينفعش خالص.

وأختتم: “محمد رشاد غنى تترين ثلاثة سمعتهم صوته حلو ،وعمري ما قولت لابني اعمل كذا ..

بدل ما تقول لابنك ده صح وده عيب الأفضل يشوفك وأنت بتعمل الصح عشان هو قلدك.”