“عبير الشرقاوي دي مين اللي أدخل معاها مداخلة ده أبوها أتبرى منها قدامي ” تصريحات نارية لمحمد الغيطي

“عبير الشرقاوي دي مين اللي أدخل معاها مداخلة ده أبوها أتبرى منها قدامي ” تصريحات نارية لمحمد الغيطي

كتبت : شيماء يحيى

حل الإعلامي الشهير محمد الغيطي ضيفًا على برنامج “القاهرة اليوم”، الذي يقدمه الفنان إدوارد والمذيعة نانسي.

والذي كشف من خلاله تصريحات مثيرة عن مسلسله الجديد “الضاحك الباكي” الذي يعرض حاليًا على شاشة التليفزيون، وعن دخوله في مشاجرة مع عبير الشرقاوي نجلة المخرج الراحل جلال الشرقاوي.

وقد صرح محمد الغيظي بالعديد من التصريحات عن كواليس تحضيره لـ مسلسل الضاحك الباكي، فضلا عن توجيه رسالة قاسية لمنتقديه، وجاءت تلك التصريحات على النحو الأتي:

_ فكرت في المسلسل عام 2004، بعد ماشوفت صورة نجيب الريحاني جنب صورة شارلي شابلن في متحف كوميدي في فرنسا.

_ قعدت أدور في مذكراته، في منها مذكرات مضروبة ومذكرات حقيقية.

_ كنت مهمومًا بكتابة العمل لدرجة إن أنا حلمت بنجيب الريحاني بيقول لي “اكتبني”.

_ المخرج محمد فاضل ده تاريخ، ولما بروح دولة عربية بقول إحنا زعيمنا في الإخراج محمد فاضل وفي التمثيل زعيمنا عادل إمام.

_ في بلاد برة بيحترموا الكبير، وعلى رأي أحمد زويل إحنا بننجح إننا نفشل الناجح.

_ إحنا طلع روحنا في تحضيرات المسلسل سنتين وقعد عندي 10 سنين في الدرج و7 منتجين رفضوه.

_ شوية عيال على السوشيال ميديا يشككوا في الكتابة، ويقولوا بطرس غالي مات في حنطور ولا عربية؟ لا أنا مراجعه كويس.

_ اعرفوا إنكم بتتكلموا مع أساتذة يعني تبلع ريقك وأنت بتتكلم.

_ وحيد حامد وأسامة أنور عكاشة لو كانوا عايشين دلوقتي كانوا بطلوا واعتزلوا بسبب العيال اللي على السوشيال ميديا.

_ مين عبير الشرقاوي عشان تنتقد عمل فني وتصفنا بالرمم على صفحتها بالفيسبوك.

_ الشخصية دي والدها المخرج الكبير جلال الشرقاوي تبرأ منها قدامي في مكتبه، وبرفض أني أشاركها في مداخلة واحدة.

والجدير بالذكر، أن مسلسل “الضاحك الباكي” يعرض على قناة cbc، في تمام الساعة الثامنة مساء من يوم السبت حتى يوم الأربعاء، بينا يأتي موعد عرض مسلسل “الضاحك الباكي” أيضًا في الإعادة على هذا النحو في تمام الساعة 2:30 صباحًا، والثانية في تمام الساعة 12 ظهر اليوم