كتبت: شيماء يحيى
حلت الفنانة منة عرفة ضيفة على برنامج “أنا سعيد”، الذي يقدمه الإعلامي جميل سعيد
المُذاع على القاهرة والناس، والذي تحدثت خلاله حول آراء كثيرة تخص حياتها الشخصية،
وفي خلال البرنامج قد صرحت منة عرفة بعض التصريحات منها:-
-الراجل لازم يلاحظ أن الست كائن تفاصيل ولو جوزي مخدش باله من تغير فيا هتخانق معاه.
-هتشوفوا منة جديدة الفترة الجاية وعندي مشاريع كتير.
-لو حد تطاول عليا وقل أدبه هروقه بطريقتي وأطلب له الشرطة.
-أنا سينجل الفترة دي ومش بدور على عرسان.
-أحمد حلمي بالنسبالي الأب الروحي بحبه جدًا، ونفسي أمثل معاه وأنا كبيرة.
-لازم الزوجة تتعلم الطبخ عشان تسعد زوجها ولو معرفتش الزوج يطلبلها دليفري.
-وأنا طفلة أحمد حلمي كان لطيف جدًا معايا وكان بيلاعبني، وعمري ما حسيت بمسؤولية التصوير معاه.
-لو حد تحرش بيا لفظيًا مش هصوت وألم الناس، هرد عليه ولو معايا راجل أكيد هخليه يتخانق مع المتحرش.
-لو كنت راجل ليوم واحد هخرج مع بنات، وأحاول في اليوم ده أعمل علاقات تدي الستات شوية أمل في الرجالة.
وقد تعرضت منة عرفة لعدد من الهجوم بعد ردها على سؤال “ماذا تفعلين إذا كنتي رجلًا ليوم واحد”،
لتكون إجابة منة عرفة: “لو أصبحت رجل لمدة يوم واحد سأدخل في عدد من العلاقات النسائية حتى أعطي أملًا في الرجالة لدى الفتيات،
أتصور أن السبب الحقيقي وراء عدم تفاهم الطرفين هو أن كل من الطرفين لا يعرف عن الآخر كيف يفكر في هذه العلاقة،
ويمكن أن أنهي العلاقة بعد عديد من المحاولات التي تساهم في إستمرارها
ومعالجة الأخطاء ولكن هذا عندما تصل العلاقة إلى طريق مسدود لابد أن تنتهي لصالح الطرفين”.
هجوم محمود المهدي على إدوارد
وعلى الصعيد الآخر كان قد هاجم محمود المهدي طليق منة عرفة، الفنان إدوارد، بعد تصريحاته الأخيرة عن عامل النظافة،
صاحب واقعة كشري التحرير، الذي قال فيها: “كلمناه في القاهرة اليوم عشان يجي فقرة المطبخ ياكل معانا
ونديله ١٠٠٠ جنيه هدية مع إني كنت معترض أصلًا إننا نجيبه معجبوش الفلوس وطلب مبلغ”.
ليرد عليه محمود المهدي، قائلًا: “لو فنان طلب مبلغ أكبر وده بيحصل كتير كنت هتطلع تقول كده وتفضحه؟
ولا عشان معرفتش تاخد لقطة كمان مش عشان غلبان نيجي عليه”.
