دينا الشربيني لـ”يلا نحكي” :”بحب التيكتوك أوي.. ويجب وجود رقابة من الأهل على ما يشاهده الأطفال
كتبت: مي شاهين
حلت الفنانة دينا الشربيني ضيفة على برنامج “يلا نحكي” التي تقدمه الإعلامية جومانا أبو عيد، وتحدثت دينا خلال الحلقة عن أكثر أبلكيشن تحبه.
حيث قالت :” مش فكرة مش بحب السوشيال ميديا على قد ما أنا مبحبش أدخل في حياة حد أي كان هو مين، عمرك في حياتك متقول أنا عمري مهعمل كدا، ودايما بقول أن ربنا هو العالم بالبني آدم هو ممكن يكون مبينلك حاجة وهو جواه حاجه تانية خالص، وشايفة أن حياته جميلة وهي حياته مش كدا خالص، وبعدين إحنا مالنا ومال الناس مكل واحد يركز في نفسه ويدي اللي حواليه حب دي الحاجة إلي مش بحبها في السوشيال ميديا وهي ممكن تبقي كويسة وممكن تبقي مؤذية في نفسية حد “.
وتابعت:” مندمتش على أي بوست عالسوشيال ميديا، ولكن ممكن يكون في كارثة بتحصل وأنا حاطة فيديو عالتيكتوك وألاقي مسؤولين السوشيال ميديا بيعرفوني إن في كارثة والوقت مش مناسب”.
وأضافت :” بحب التيكتوك أوي بس معنديش وقت أعمل فيديوهات، وكل حاجة ليها استخدام كويس وليها استخدام مش كويس ولازم يكون في رقابة من الأهل على الأطفال الصغيرين بيعملوا اي ولا بيتفرجو على أي بس أنا بحب التيكتوك”.
