كتبت:مي شاهين
حلت الفنانة دينا الشربيني ضيفة على برنامج “يلا نحكي” التي تقدمه الإعلامية جومانا أبو عيد، وتحدثت دينا خلال الحلقة عن أكثر دور تحبه لها وعن علاقتها بشيرين رضا.
قالت عن إختيارها للأدوار:”هناك عامل كبير جدا عالمخرج والمؤلف، وفي ورق بيبقي جاهز ومش محتاجة تعملي فيه حاجه ومديكي كل الأحاسيس إلي مفروض تحسيها، ومع توجيهات المخرج ازاي هتعملي الدور ويطلع مختلف”.
وتابعت:” في أدوار بحبها من القراءة وبوافق عليها، وفي أدوار أقول إستحالة مش هسيب الدور دا هعمله لو أي، وبحارب علشانه بيبقي دور شارح نفسه وبيديكي كل تفاصيله”.
وعن أكثر أدوار تحبها:” هناك أدوار أتعب فيها جدا وأذاكر كتير وممكن تطلع مش أحسن حاجة وفي أدوار العكس، وأحب دور ورد في جراند أوتيل وأحب دوري في زي الشمس”َ.
وتحدثت عن علاقتها بشيرين رضا قائلة:” يجمعنا عمل جديد تكون فيه أختي، وشيرين صاحبتي من زمان وأنا بحبها جدا وبشوفها أيقونة ، ونشبه بعض في حبنا للحياة”.
