كتبت:مي شاهين
حل الفنان حسن الرداد ضيفًا على برنامج “صاحبة السعادة” التي تقدمه الإعلامية والفنانة إسعاد يونس، ويعرض على قناة Dmc.
وقال حسن عن تجربته مع الكلاب والقطط:”أنا بتعاطف جدًا مع الحيوانات، أنقذت قطتين قبل كدا وأنا مليش في القطط لأن مبحبش حيوانات إلي حركتهم سريعة، ومواقف حياتي مع القطط والكلاب زي الزفت، أنا طول حياتي وأنا صغير الكلاب بتجري ورايا في الشارع في كل حته، فكان بالنسبالي الكلب مش صديق الإنسان دا عدو الإنسان”.
وتابع:” أما القطط أبقى قاعد في مكان ألاقي قطط تحت الكرسي فأنا أتخض، فبير السلم مثلاً الاقيها طالعالي، والقطط بتسيب الناس وتيجي تقعد جمبي، أقعد أقولها ليه اشمعنا أنا “.
وأضافت :” لما أتجوزت إيمي شوفت قد أي عشاق الكلاب بيعاملوهم كأنهم واحد من عيالهم، يعني إيمي في شنطة العربية أكل للكلاب والقطط، لدرجة في مرة إيمي في لحظة رومانسية قالتلي حسن أنا بقيت بحبك قد الكلاب، فقولتلها دا يعتبر دا مدح ولا ذم، قالتلي لا دانا كنت بقول لبابي إني بحبك قد الكلاب، إكتشفت أن الي بيربي كلاب بيحبوهم بشكل رهيب جدًا”.
