كتبت:مي شاهين
حل الفنان حسن الرداد ضيفًا على برنامج “صاحبة السعادة” التي تقدمه الإعلامية والفنانة إسعاد يونس، ويعرض على قناة Dmc.
وتحدث حسن خلال الحلقة عن دراسته في المعهد وعلق قائلاً:”لما جيت أمثل ودخلت معهد فنون مسرحية كان مجال حلو للطالب، وعملت حاجات كتير خلتني أجرب شخصيات كتير على المسرح علشان لما أطلع السوق أبقى عارف إيه الحاجات الحلوة والحاجات اللي قوي فيها، إلى جانب أني درست تجارب نجوم الكبار”.
وتابع:”وبعد فترة إكتشفت أن الجمهور مش بيحب يشوف الفنان في جانب معين، لذلك بقيت مهتم ومعني أني أقدم حاجات مختلفة ومتنوعة ومش بحصر نفسي في إطار واحد”.
وعن فيلمه الجديد تحت تهديد السلاح قال:” القصة حقيقية وبتعمل عند المشاهد حالة من حالات التفاعل بشكل مضاعف، وده بيعمل عند المشاهد تعلق مضاعف وإعجاب زيادة، وأعجبت بالسيناريو جدًا ولقيت إن فيه مراحل صعبة كتير ومختلفة بتمر بيها الشخصية”.
