كتبت:مي شاهين
حل الفنان حسن الرداد ضيفًا على برنامج “صاحبة السعادة” التي تقدمه الإعلامية والفنانة إسعاد يونس، ويعرض على قناة Dmc.
وتحدث عن أيام وفاة الفنان سمير غانم والفنانة دلال عبد العزيز حيث علق قائلاً :”لما حمايا أستاذ سمير غانم ودلال عبد العزيز أتوفوا كان عليا دور كبير ملحقتش كلها كام شهر وكنت عالمستشفى لما تعبوا، أول يوم رمضان لقيت إيمي بتقولي دنيا جالها كورونا فبعدها دلال جالها كورونا وقعدت في شقة تانية وبعدين أنا جالي كورونا وقعدت لوحدي، وبعدها إيمي وأستاذ سمير جالهم وفجأة لقينا كل واحد في حته اول يوم رمضان وأنا بالنسبالي الأعياد والمناسبات حاجة مقدسة بالنسبالي لأني متعود أنها تجمعات أسرية”.
وتابع:” فحسيت إنها آيات بتخلي الواحد يشوف الدنيا بشكل تاني، َيبقي عنده أهمية الحاجات في الحياة مختلفة، التجربة دي خلتني أزهد في الدنيا أكتر لكن مش معناها إني مش بحب النجاح وإن يبقي معايا فلوس لكن مش بالنسبالي مش هدف”.
وأضاف:” سمير غانم من أطيب الناس إلي عرفتها في حياتي؛ ودلال ضحوكة ومبتسمة ولو في مشكلة بيني وبين إيمي عمرها ماتتدخل وأنا الي ابنها مش ايمي ست جميلة ورائعة فأنا كنت بحبهم وتأثرت بسمير غانم وكنت بحبه من وأنا صغير، وتوفى في نفس الأوضة إلي أمي توفت فيها فمكنتش عايز أطلع الأوضة فمريت بوقت أنا المفروض اتعالج فيه نفسيا بتجربة مؤلمة جدًا، ولكن هناك حكمة من ربنا، عايزك أقولك كل ما أجي أعيط ألاقي إيمي بتعيط أقول طب أجل أنا عياطي”.
وعندما تم سؤاله عن الشئ الذي يتذكره لكل أحبته الذي توفوا قال:” أمي مش بفتكر أي حاجة لأني كنت في الجنة يعني، الأم أهم من أي حاجة لذلك أنا مبقدرش أفتكر أي حاجة، لو غصب عني صوتها جه في ودني ببقي في حالة صعبة جدًا لذلك أنا مبفكرش”.
وإختتم حديثه قائلاً:” ساعات بيجولي في الأحلام فتلاقيني بعيط وأنا نايم وبصحى بدموع”.
