كتبت سهام صلاح
إحتفل الملحن سامر أبو طالب والمطربة رنا سماحة بعيد ميلاد إبنهما مالك، حيث قام سامر بنشر مجموعة صور تجمعه بإبنه مالك عبر صفحته الرسمية على موقع التواصل الإجتماعي فيسبوك.
وعلق سامر عليها معلقًا: “بسم الله، زي النهاردة صاحبي و حبيبي وإبني أغلى حاجة في دنيتي و عمري كله نور قلبي و حياتي كلها، كل سنة وأنت طيب يا أول فرحتي و أحلى ضحكة ربنا يحفظك لينا ويباركلنا فيك و يجعل دايماً السعادة و الخير و بركة ربنا في طريقك يا حبيبي يا لوكي.
وتابع: أنا بوثق البوست ده عشان تشوفه لما تكبر بإذن الله ده أول عيد ميلاد ليك و إن شاء الله أعيش و أشوفك كبير وناجح و ربنا يحققلك اللي بتتمناه وكل اللي فيه الخير ليك، و بوعدك إني هفضل معاك وفي ضهرك العمر كله يا صاحبي و توأم روحي، بحبك و كلمة بحبك قليلة أوي أوي عاللي جوايا ليك يا مالك.
وإختتم: يلا يا حبايبنا تمنوا و ادعوله ربنا يحفظه و يبارك فيه و يبعد عنه كل شر و سوء و مرض و عن كل ولادنا ربنا يبارك فيه وفيكم وفي أولادكم.
يذكر أن إحتفل سامر أبو طالب بعيد زواجه من رنا سماحة منذ يومين، وذلك عبر حسابها الشخصية، وعلق قائلًا: 10/12/2020 و هو يوم إتغيرت فيه حياتي و بقيت رسمياً زوج نعمة كبيرة الحمد لله بتمنى ربنا يديم علينا نعمته و فضله.
وتابع: نيجي بقى لحبيبتي و صاحبتي وأم إبني من ١٤ سنة و إحنا صحاب بس فجأه ربنا أراد نبقى أقرب من كده بكتير و يارب دايما سوا في خير و سعادة و ألفه، حبيتها و حبيت جنانها وإختلافنا و هزارنا وضحكنا و خناقتنا هي باكدچ على بعضها و حبيتها بيها إتغيرنا عشان بعض فى بعض الحاجات عشان بنحب بعض مش عشان أي حاجه تانية،
وإختتم المهم انى بحتفل باليوم ده عشان و ان شاء الله احتفل بيه كل سنه و حبيبتى معايا و العيله بتكبر و حبايبنا اللي حوالينا بيتمنولنا الخير و السعادة بحبك يا روح قلبى @ranasamaha second anniversary and forever
