كتبت : سارة سلامة
حل الفنان مصطفى قمر، ضيفًا على برنامج “أنغام”، التي تقدمه الفنانة أنغام، المُذاع عبر فضائية “دي أم سي”.
وكشف المطرب مصطفى قمر، تفاصيل غنائه في الأفراح، قائلا: “الفن حب مش هواية عشان نكسب منها فلوس هي أحسن من كده بكتير النجاح أحلى بكتير أنا زمان كان كل فلوسي اللي بكسبها من الشغل بصرفها على الشغل والحمدلله شوفت نتيجة ده”.
وأضاف: “أنا كنت باخد 1500 جنيه في الفرح وقتها، وفضلت سنة أشتغل جمعت 40 ألف جنيه”، لافتا “أنا وسامح العجمي عملنا أغنية بابا نويل وكنا عايزين نصورها ومكنش في حد عايز يعملها كان كل اللي بنقوله بيقولنا هتصوروها تعملو بيها إيه يعني”.
وأشار: “صرفت الفلوس اللي جمعتهم عشان أعمل أغنية بابا نويل في رأس السنة وروحت لإيهاب توفيق قولتله اتفرج عليها وكان عايز يقولي يا عبيط صرفت فلوسك كلها ليه”.
وتابع حديثه عن بداية مشواره في الغناء قائلاً : “بدأت علاقتي بالغناء عندما كنت في رحلة مع العائلة للعريش وبدأت في الغناء معهم وفجأة سكت الجميع ليستمعوا إلي صوتي، فانتبهت لذلك”، لافتا: “أتذكر أنني لم أتوقف عن الغناء طيلة الرحلة”.
ولفت: “كنت أحلم دائما وأنا صغير بالنجومية وأنني مثل عبد الحليم حافظ، وأحيانا كنت أحب الليل كي أبدأ في التخيل والحلم”.
