كتبت: مروة حسن
طرح المطرب باسم عبد الوهاب أحدث أعماله الغنائية أغنية “تغيب” التي صورها على طريقة الفيديو كليب، والأغنية من إخراج كريم عبد الوهاب ومن كلمات أحمد عرفان وألحان باسم عبد الوهاب وتوزيع وميكس وماستر كريم عبد الوهاب، وأول إنتاج لشركة Oxygen Music.
وتقول كلمات الأغنية:
مين قال نسيت
أنا بس يمكن حبة عنك إتلاهيت
للعلم ده مش غصب عني ده قصد مني
ده مش كسوف
ده شكل رسمي و دي معاملة الضيوف
ولا أنت مستنيني تاني أخذك في حضني
تغيب تغيب و تيجي تسأل على الغلاوة
طب حتي ده في عرف الفراق أصلاً جريمة
وإن كنت مش فاهم ولسه عليك غشاوة
إزاي تِقَدر حاجة ليها ماعادش قيمة
كان عندي شوق
بس أما شوفتك عيني ترجمة الفروق
مش في الملامح دي الطباع الوحشة زايدة
و أنا مش ملاك
ولا كلمتين حنية هارجع أعيش معاك
لا دا إنت عايز حد غيري مشاعره باردة
تغيب تغيب و تيجي تسأل ع الغلاوة
طب حتي ده في عرف الفراق أصلاً جريمة
و إن كنت مش فاهم ولسه عليك غشاوة
إزاي تِقَدر حاجة ليها ماعادش قيمة
جدير بالذكر أن باسم عبد الوهاب قام بغناء تتر مسلسل “يوميات زوجة مفروسة” للنجمة داليا البحيري وخالد سرحان والذي تم تقديم منه 4 مواسم خلال السنوات الماضية، وأغنية التتر من كلمات أيمن جودة وألحان مصطفى محفوظ وتوزيع كريم عبد الوهاب، كما قدم باسم أيضاً أغنية بعنوان “كلامي عنك” على طريقة الفيديو كليب من إخراج كريم عبد الوهاب.
