كتبت : مادونا عادل عدلي
أبدع صناع مسرحية عيلة اتعملها بلوك في الأداء وهذا ما أكده الجمهور والنقاد والصحفيين
وعبر الفنان محمد صبحي عن سعادته الشديدة بنجاح مسرحيته عيلة اتعملها بلوك وكشف كيفية التعاون مع الفنانة وفاء صادق حيث أنه انبهر بصوتها في الغناء.
وتحدث الفنان محمد صبحي عن التعاون مع الفنانة وفاء صادق، وذلك من خلال المؤتمر الصحفي لمسرحيته عيلة اتعملها بلوك، وقال… “معظم الممثلين اللي دخلوا استوديو مثلوا وغنوا، وفي فرق بين الممثلين والمطربين وده اللي أثبته العرض ده والعرض اللي فات إن المطرب بيبدع أمام الجمهور، في فرق كبير بين الممثل اللي عامل مسرحية وبيغني لأنه لازم يغني بإطار معين، وأنا مبهور بيهم كلهم، وأكتر واحدة مبهور بيها في الغناء هي وفاء صادق، لأنها كانت بتقول لأ ولكن كان لازم تجرب”
واستكمل محمد صبحي حديثه عن جمهور المسرح، حيث قال: دايمًا أقول متهاجموش الإسفاف والفن المبتذل بلاش نضيع وقت والأحسن نوجد البديل، وقليل لما الكاميرا تروح للمحترم، ما خلاص اللي طلع تريند طلع، ولكن الجمهور حقيقي واللي بيجي المسرح بيحب الإبداع.
والجدير بالذكر أن اختتم الفنان محمد صبحي حديثه عن حبه الكبير وارتباطه بمسرحية عيله اتعملها بلوك، وقال.. أول ما ألاقي إفيه لفظي بين السطور كده ببعد، ومسرحية عيلة اتعملها بلوك هي أقرب للأعمال الواقعية ده مسرح واقعي، لأن الحياة مش طول الوقت فيها ضحك ولا حزن، والموقف اللي يضحك هو أقوى بكتير من اللفظ والجملة والنكتة.
