كتبت : مادونا عادل عدلي
أعلن محمد صبحي وكشف عن المعدل الطبيعي لتحويل أي رواية لعمل مسرحي، وذلك من خلال المؤتمر الصحفي لمسرحيته الأخيرة «عيله اتعملها بلوك».
وتحدث الفنان محمد صبحي عن تحويل الرواية لعمل مسرحي، وعن الأثر الإيجابي لـ البروفات قبل عرض المسرحية، وذلك من خلال المؤتمر الصحفي لمسرحية عيلة اتعملها بلوك، قائلًا: أي رواية المعدل بتاعها 8 شهور، أنا عندي محمد تبارك مرة بيزورني في المسرح قالي بتعمل إيه، علشان لاقاني بعمل بروفات، وقولتله كل يوم بعمل بروفات.
وأكد الفنان محمد صبحي: ولازم الممثل ييجي قبليها بساعة ونصف، ومينفعش الجمهور بتاع امبارح يستمتع أكتر من بتاع النهارده، أنا قاسي في البروفات، ولكنه بيسامحني، والرواية أصعب، وقابلني واحد سعودي قالي شايفكوا ماشيين ورا الكواليس، من الكم اللي بتقدموه على المسرح شايفكوا عاملين إزاي، ومينفعش تبقى بتقدموا فن راقي، وميكونش في تعاون جيد في الكواليس.
وقام محمد صبحي بتقديم الشكر لـ فريق عمل مسرحية عيله اتعملها بلوك، إذ قال: في هذا المؤتمر أحب أشكر كل اللي اشتغلوا من العمال والمهندسين من أكبر لأصغر عامل متربيين في المسرح، وقدموا عمل شاق في 30 أو 40 ثانية في تغيير الديكور، إحنا مسجلين 60 ساعة والجمهور بيخرج برا بيقول رأيه وفيه بنت أبهرتني، عندها 12 سنة، ضحكت وعيطت
