ياسمين نيازي:”أغنية قليل الحيلة وش السعد عليا وأنا إنطوائية بسبب مشاكل الشغلانة” 

كتبت: مي شاهين

حلت الفنانة ياسمين نيازي، ضيفة على برنامج “كلام الناس”، التي تقدمه الإعلامية ياسمين عز، ويعرض على قناة mbc مصر، وكشفت عن الأغنية التي كانت السبب في شهرتها.

حيث قالت :”أغنية قليل الحيلة وش السعد عليا، ولحد دلوقتي بحارب نفسي علشان أعمل حاجة أجمل منها، بحاول أعمل أغاني جديدة بتوزيعات أجدد، ولكن لحد دلوقتي الناس بتحبها وبتطلبها، ولعنة الأغنية الناجحة هي لعنة حلوة”.

وعند سؤالها عن عدم ظهورها في البرامج قالت:”ممكن أكون انطوائية بسبب تعبي في الشغلانة دي، لأنها فيها مشاكل ونفسيات كتيرة مع إني بدأت صغيرة، أنا مش هبقى في الدائرة الكبيرة بتاعة الشغلانة على الرغم من إني إجتماعية جدًا مع أصحابي، ولكن مرة واحدة باخد جمب، وأنا برج الميزان”.