كتبت:مي شاهين
حل الملحن حلمي بكر، ضيفًا على برنامج “يحدث في مصر” المذاع على قناة mbc مصر، وتحدث خلال البرنامج عن فترة مرضه.
حيث علق قائلاً :”وسط محنتي وتعبي كنت بفكر في كل اللي حواليا وكنت بفكر في الرئيس السيسي واللي بيعمله، وأول ما الرئيس بدأ التنمية قولت جملة وهي عض قلبي ولا تعض الرئيس السيسي”.
وتابع:”بفكر دايما في كل حاجة حواليا وده عشان من يشكي له حق والذي لا يشكي له حق، احنا عايزين نوازن الأمور حتى ينصلح الحال، وأقسم بـ شرفي كنت بفكر في الأمور العامة وأنا في محنة مرضي ورايح جاي على الدكاتره، وابني عايش في أمريكا وكنت شايل همه وكان في قلبي طول الوقت”.
وأضاف:” اللي قال أن الفنان يبعد عن المجتمع عشان يعرف يقدم إبداع ده غلطان لأن الفن ده اللي الناس بتاخده مننا نصه فن ونصه سياسة واللي ميشاركش فيه يعتبر إنسان خارج المجتمع وبيكذب على نفسك”.
