كتبت:نورسيد
كشف الفنان سليمان عيد عن مشواره الفني ورحلته في المسرح، وأيضًا عن تعامله مع أولاده، وعن المعاناة التي مر بها مع المنتجين، وذلك خلال لقائه في برنامج المساء مع قصواء.
وإليكم أبرز تصريحات سليمان عيد
إفيه الموقف هو اللي ميتنسيش ومحدش بيكتب ده كويس.. وعندنا مشكلة في الكتابة الكوميدي.
البطولة جاتلي مرتين في عملين ولكن متعملوش.. كنت محرج في الأول أني أطلب أجر.
أدواري الصغيرة في الأفلام هو ده اللي الناس حافظاه.
أخذت جائزة على دوري في فيلم واحد من الناس وكان الدور تراجيدي.
الوجوه الجديدة لازم تخلي الأجر رقم 2 أو 3.. ويتكلم في الدور لأن لو هيضيف لي يعمله ببلاش.
منتج قالي مش هديك أجر قولتله ليه، قالي عشان أنت بتحب السينما، قولتله بس ولادي مش هياكلوا سينما.
أنا أب مثالي جدًا.. وابني شغال في الإنتاج والناس بتقول أنت ربيت.
مفيش حاجه جاتلي في موسم رمضان 2023 حبتها، وكنت بقبل ساعات أدوار عشان الأقساط، لكن مفيش أقساط دلوقتي.
لما دخلت الجامعة كانت أول مرة أشوف مسرح افتكرته قاعة أفراح.
الناس فقيرة زمان مكنتش بتعمل فرح.. كانت بتعمله في الشارع وبنمشي بعربية كارو وأغني مع صحابي.
لو كنت سقطت في معهد فنون مسرحية كنت مكرر أني هشتغل محاسب.
اشتغلت الـ4 سنين في المعهد وحسيت بالقرش.. وطبيعة حياتي أني في الصيف لازم اشتغل.
أول ما وقفت على المسرح كنت فاهم غلط.. مكنتش أعرف أني هواجه جمهور وجسمي اترعش أول ما عرفت.
المسرح أبو الفنون أنك ترتجلي قدام الجمهور دي كلها تدريبات للممثل الكوميدي.
حزين على حال المسرح في الوقت الحالي.
