كتبت:مي شاهين
حلت الفنانة رنا رئيس، ضيفة على برنامج”حديث القاهرة” الذي يقدمه الإعلامي خيري رمضان وكريمة عوض، وكشفت عن بعض ذكريات طفولتها.
حيث قالت:” وأنا صغيرة كنت بجيب خيط وإبرة وأخيط الجلد الميت بتاع أختي عشان كان نفسي أطلع دكتورة، وقلدت ريا وسكينة وحطيت فوطة مبلولة على وش واحدة من قرايبي عشان أخنقها، وهي بتصوت وبتقولي هتموتيني وأنا فاكرة إني كدة هخليها تنام مدة أطول بس”.
وتابعت:”أنا بتعامل مع شخصياتي في الأفلام والدراما على إنها جزء من الواقع، وأخدت أختي معايا في أول يوم تصوير ليا في 2017، لأني كنت متوترة جدًا.
وتحدثت عن كواليس مسلسلها أزمة منتصف العمر قائلة:”ريهام عبد الغفور وكريم فهمي وهند عبد الحليم حسسوني إن أنا وسط عيلتي من أول يوم، وريهام عبد الغفور هي اللي اقنعتني أقبل دوري في العمل؛ لأن تقبل فكرة المسلسل كان صعب بالنسبة لي، عشان الفكرة صادمة ومدمرة ومفيش عقل يستوعبها”.
