كتبت: مي شاهين
حلت الفنانة علا غانم، ضيفة على برنامج “صبايا الشمس”، التي تقدمه الإعلامية ريهام سعيد، ويعرض على قناة “الشمس”.
وتحدثت خلال الحلقة عن سبب تركها التمثيل والسفر لأمريكا حيث قالت :”مشيت عشان كنت محتاجة أقعد جمب بناتي أكتر،ابتدوا يكبروا وحسيت خلاص أنهم على وش جواز، فقررت أخد إجازة مفتوحة من التمثيل وحياتي بالكامل وأروح بعيد خالص لمجتمع جديد عشان أبدأ صفحة جديدة”.
وتابعت:”بناتي كانوا عايشين في أمريكا فكان لازم أروح أنا ودا كان وعد مني ليهم من قبلها بسنة، كنت وعداهم أن السنة اللي جاية هي أخر سنة عشان بنتي كانت هتتخرج فقولت هاخد إجازة مفتوحة، أمتى هرجع مش عارفة بس كنت مبسوطة من الخطوة دي”.
وأضافت:” محدش كان عارف أني مسافرة ومش راجعة حتى مساعديني تفاجئوا، كنت زهقانة من الشغل، بقالي أكتر من 20 سنة بمثل وحسيت أني محتاجة أحط بنزين. “.
