كتبت:مي شاهين
حلت الفنانة علا غانم، ضيفة على برنامج “صبايا الشمس”، التي تقدمه الإعلامية ريهام سعيد، ويعرض على قناة “الشمس”.
وكشفت خلال الحلقة عن زوجها الأخير حيث قالت :”أنا اتجوزت في أخر 2005، ومتجوزتش ولا ملياردير أمريكي ولا حاجة، أنا اتجوزت راجل عادي مصري أمريكي قابلته بالصدفة في أمريكا، كان عنده محطة بنزين وباعها، وكان عنده مطعم ونايت كلاب وباعه لأنه كان شايف أنه أشتغل كتير وجه وقت أنه ميشتغلش”.
وتابعت :” عرض عليا الجواز في أمريكا وأنا رفضت لأني كنت لسه عارفاه، وبعدها نزلت مصر ولقيته بعدها بشهر بيعرض عليا الجواز بإصرار وإلحاح شديد “.
وأضافت:” إتجوزته عشان كنت محتاجة في المرحلة اللي أنا فيها راجل جمبي وإني أكون ست متجوزة.. كان أكبر مني في السن بحوالي 16 سنة، حسيت أن هو هيكون إحتواء ليا سند هيساعدني في اللي جاي وبناتي بيكبروا و بمثل وقتي مش فاضي”.
وتحدثت أيضا عن والد بناتها قائلة:” إنفصلت عن أبو البنات وقعدت 11 سنة سنجل وبعدين إتجوزت جوازة فاشلة قعدت ست شهور واتطلقت ، بعدين قابلت زوجي السابق، وقبلت في وقت أنا مكنتش مؤهلة فيه “.
