كتبت:مي شاهين
تحدث الفنان محمد رمضان عن مسلسله “جعفر العمدة”، المقرر عرضه في الموسم الرمضاني 2023.
حيث قال خلال لقاءه مع برنامج “مساء dmc”:”شخصيتي في جعفر العمدة شخصية مصرية أصيلة ينتمى إلى حي السيدة زينب العريق، عندو انتماء وأصل وراجل مطلعش من جلباب أبوه ولا المنطقة اللي نشأ فيها، عنده صفات كتير عظيمة، وأيضًا عنده أخطاء بشرية طبيعية، والكمال لـ الله وحده”.
وتابع:”والعظيم في الشخصية إن هو شخص بيتدراك أخطائه مع المواقف واللي بيمر بيه في حياته، وبيعترف بيها، وشخصية أنا حبيتها جدًا”.
وعن ما جذبه لتجسيد الشخصية :” الشيء الأول فكرة السن، بجسد شخصية أكبر مني بـ 20 سنة، وده تحدي كبير جدًا، إن إزاي الجمهور يصدق محمد رمضان في المسلسل إنه سنه 56، وده شيء استفزني كممثل، إن التفاصيل كلها تبان والحركة بردو في السن ده، ولكن التفاصيل مهمة جدًا والحركة بتبقى أبطأ شويه من الشباب، ومسكة كوباية الشاي حتى بتكون مختلفة، وهي بتكمن في اللاوعي عندي، أعتقد إن ديه ممكن تعمل المصداقية، وفيه تفاصيل كتير جدًا قدرت تمر في اللاوعي عند الجمهور، ويخلي الجمهور يصدقني”.
وأضاف :” عنده الطبيعي لأي شخص عنده طموح وحريص على سعادة جمهوره، وإن هو يقدر ينال إعجابهم، وطول الوقت بنشوف إزاي نقدر نتخطى نجاحاتنا السابقة، الحمد الله الأسطورة كنت جاي من ابن حلال وكان تحدى صعب، والحمد لله قدرنا نتخطى، البرنس ونسر الصعيد، وكل مسلسل بيبقى له تحدياته، وأنا وسامي عملنا سوا نجاحين صعب جدًا إن ندخل في تحدي معاهم، ولكن قولنا بسم الله وثقة في الله، وبوعد الجمهور إن جعفر العمدة هيتخطى البرنس والأسطورة”.
