كتبت:مي شاهين
حل الفنان ياسر جلال ضيفًا على برنامج “مساء Dmc”، الذي يقدمه الإعلامي رامي رضوان، وتحدث فيه عن مسلسله الرمضاني “علاقة مشروعة”.
“مسلسل علاقة مشروعة مبني على المفاجأت، لدرجة إحنا مش عارفين نعمل برومو من كثرة المفاجأت، العمل دا إن شاء الله هيبقى مفاجأة مشوق جدًا، لو شفت الحلقة الأولى مش هتقدر تسيب المسلسل، المسلسل 15 حلقة ومكتوب من سنتين”.
وتابع:”أنا فخور اني أنتمي للوسط الفني، إحنا كفنانين عكس ما الناس بتشوفنا، المجتمع لازم يحتوي الفنانين ويفتخر بيهم، شغلنا متعب ومنقصدش إننا نعمل حاجه غلط، أنا بشوف أن في فنانين بيتعرضوا لهجوم كبير لو غلط بينسوا كل تاريخه، هو غلط إنتقد كما شئت بدون تجريح فين التسامح أنا شايف إن الفنان يجب أن يقدر أكتر من كدا”.
وأضاف:” الفن مش حرام الفن رسالة قوية جدا، ساعات ممكن يكون في حاجة زيادة شوية إنت تنبه الفنان علشان ياخد باله ودا دور الناقد الفني “.
