غادة عادل عن طليقها:” اتأكدت إن مجدي كان لازم يبقى أبو ولادي..ومش هقدر أتجوز قبله”

كتبت:مي شاهين 

حلت الفنانة غادة عادل، ضيفة على برنامج “أنا والقناع، التي تقدمه الإعلامية منى عبد الوهاب، ويعرض على قناة الحياة و cbc.

وكشفت عن بعض الأسرار وتحدثت عن طليقها مجدي الهواري قائلة:” بمدح فيه عن اقتناع ودلوقتي بمدح فيه أكتر لأنه ما عملش معايا حاجة وحشة.. إحنا اه كنا بنتخانق والحياة والعيال ونوصل لطريق مسدود، ولكن اكتشفت رجولته الحقيقية مع الوقت”.

وتابعت :”كل سنة بتمر عليا دلوقتي بعد الانفصال بتأكد أن مجدي كان لازم يكون أبو ولادي، وسند ليا في كل مراحل حياتي ومش بلاقي غير كل الخير منه، لو اتجوز هفرح له جدًا من قلبي، لأنه يستاهل ويستحق قعد كتير تقريبًا 6 سنين ما أتجوزش وعلاقتنا كلها مودة ورحمة”. 

وقالت عن إمكانية زواجها مرة أخرى :” أنا ما أقدرش أقول لأ لكن عندي اعتبارات كتير، لأن الأولاد ممكن يستوعبوا أن والدهم اتجوز وما يستوعبوش أن مامتهم تتجوز، خاصة أن ولادي رجالة وبنت واحدة، ومش هقدر أعملها قبل مجدي لو مجدي عملها ده هيساعدني لكن مش سهل عليا آخد القرار ده، وأحب أشوفه يتجوز الأول”.