كتبت:مي شاهين
حلت الفنانة غادة عادل، ضيفة على برنامج “أنا والقناع، التي تقدمه الإعلامية منى عبد الوهاب، ويعرض على قناة الحياة و cbc.
وتحدثت خلال الحلقة عن والديها حيث قالت:” موت ماما وبابا أكتر حاجة صعبة عليا وماحستهاش وقتها ، لأننا مؤمنين أن في موت وربنا بينزل الصبر وبنكون مستعدين نفسيًا، لكن بعد شوية تحسي وجود الأب والأم سند وطمأنينة وضهر وراحة”.
وتابعت:”ما افتكرش أمي خالص ولو ما وروليش صورة ما كنتش هعرف أن والدتي توفيت ومرات أبويا هي اللي ربتني”.
وأضافت:” عمري ما أضايقت أني والدي أتجوز لأنه عمل كده علشان كنا صغيرين وماكنش عاوزنا نعيش من غير أم، وكان صعب أعيش من غير أم لأن الأب ينزل يشتغل وأنا بنت محتاجة أم تربيني وتعلمني حاجات وتفهمني حاجات”.
وعن شخصيتها كأم قالت:” أنا أم حنينة بزيادة لدرجة الغباء ومش عارفة أكون أم لأني مش بعرف أقول لاء”.
