كتبت:مي شاهين
حلت الفنانة غادة عادل، ضيفة على برنامج “أنا والقناع، التي تقدمه الإعلامية منى عبد الوهاب، ويعرض على قناة الحياة و cbc.
وتحدثت خلال الحلقة عن تجربتها مع المهدئات قائلة:” مش بحب المهدئات وزمان من 5 أو 6 سنين كان عندي ضغوطات بسبب انفصالي وحد نصحني آخد مهدئ، وقال لي أهم حاجة ما تبطليش غير براحة، ولما أخدته لقيت نفسي قاعدة والولاد بيتخانقوا وأنا عندي لا مبالاه، لكن أنا كنت عاوزة أحس وانفعل ، وكانت أول وأخر مرة أخد مهدئ في حياتي”.
وبكت غادة عادل حيث قالت:” مش قادرة أستوعب أن في ناس شريرة، ولما كان في ناس شريرة في حياتي كنت بقول أكيد اللي عملوه ده بسبب الظروف، ومشكلتي ان قلبي رهيف جدا، وأكتر حاجة حلوة حصلت لي أني خدت وعد أني بجد لما أحس من بعيد أن الشخصية اللي معايا مش لايقا عليا ببعد لأني مش هعرف اخد حقي ومش عاوزة احس وحش في حياتي أبدأ”.
