كتبت:مي شاهين
حلت الفنانة يسرا، ضيفة على برنامج “أنا والقناع”، التي تقدمه الإعلامية منى عبد الوهاب، ويعرض على قناة الحياة و cbc.
وقالت الفنانة يسرا أنها عندما تعتزل لن تقول لأحد وستظل في بيتها بهدوء :”أنا يوم ما هعتزل وأبطل إشتغل مش هقول لحد إني اعتزلت، لأني مش هبقى لاقية الحاجة اللي أشتغل فيها بقيمتي”.
وتابعت:” ممكن أبطل وأعمل مشروع أو أبطل من غير معمل حاجة، بس عمري ما فكرت إني لو بكرا الصبح قعدت هقول، لا هقعد في بيتي واسكت، دا ملوش دعوة بالطمع لكن معناه إنك شقيتي وتعبتي عشان النجومية وعارفه مكانتك فين، والطمع في النجومية بيكون للي جعان نجومية”.
وتحدثت أيضا عن الموت:”الموت والمرض علينا حق، لكن المرض إحساسك بيه وإنت مش عارف إذا كنت هتقوم منه ولا لا، وبكرة أشوف نفسي ضعيفي، ومفيش حد في الدنيا مش عايز يشوف صورته الحلوة مدى الحياة، ومن أسوأ اللحظات إنك تفقدي عزيز، لأن بياخد حتة من قلبك”.
