كتبت: هبه الله تامر
إستضاف الفنان رامز جلال منذ قليل في برنامج“رامز نيفر اند”، الفنان محمد فؤاد وقدمه رامز، قائلا: “من اصعب الحلقات صوت يقولي متزعقوش ده راجل قفوش صوت تاني بيقولي متتنازلش، معانا نجم لغز كبير ميجا ستار، له فضل على ناس كتير، بما اني ناكر للجميل جايبه النهاردة، انسا المركوبنة وابعد عن الفريك”.
وتابع رامز: “هقسا على صاحبي علشان افكره بالماضي اللي راح اللي مش عارف قيمة نفسه اللي محدش بينافسه محمد فؤاد.. فريق البرنامج أجبرني إني أجيب محمد فؤاد، سامحني يا فؤش خايف يغم عليم ومتفوقش”.
تعليقات رامز جلال الساخرة على محمد فؤاد
وبدأ رامز جلال بإلقاء بعض التعليقات الساخرة على حجم محمد فؤاد فور وصوله قائلا: “أنا الحقيقة بمارس رياضة أكل الكفتة، بلعب كرة قدم بس كلت الكورة زي مانتي شايفة، ده أنهي حصان هيشيله ده عايز خرتيت، الدرع بتاعنا ده هيكفيه؟ ده عايز تنورة، انت بالترنج ده تعمل وليد صلاح الدين، انت لو بطلت افتا الدنيا هتسلك معانا”.
رامز يسخر من محمد فؤاد أثناء التقاطه صورة بالمطعم
وسخر رامز جلال من النجم محمد فؤاد أثناء التقاطه صورة بالمطعم قائلا: “”ديه تتكتب لحد في ثانوية عامة مش في مطعم، بوستر خاصمت الشوارع وأكلت الكوارع، عايش على الأيس كريم والجيلي،مش بيشر عرق ده بيشر مرقة دجاج”.
ضحايا برنامج رامز نيفر إند
وظهر عدد من النجوم في برومو البرنامج من بينهم الفنان محمد فؤاد والإعلامي محمد الغيطي والفنانة شيماء سيف والثنائي الفني محمد فراج وبسنت شوقي والكابتن رضا عبد العال وأحمد حاتم، الإعلامية المشهورة ياسمين عز، المطرب حمو بيكا، الفنانة ياسمين صبري، كابتن مصطفى شلبي لاعب نادي الزمالك، الكابتن ابراهيم نور الدين حكم الدولي المصري، عارفة عبد الرسول.
موعد عرض برنامج رامز نيفر إند
ويذكر ان برنامج المقالب الخاص بالفنان رامز جلال، رامز نيفير إند يعرض بعد الإفطار مباشرة، في تمام الساعة 6 مساء بتوقيت مصر، و7 بتوقيت مكة المكرمة، وهو نفس الموعد الذي يُعرض فيه مقلب رامز جلال كل عام خلال شهر رمضان.
