كتبت: هبه الله تامر
إستضافت الإعلامية بسمة وهبة في الحلقة الخامسة من برنامجها «العرافة»، والذي يذاع عبر فضائيتي «المحور» و«النهار»، مساء اليوم الاثنين، كلا من مؤدي المهرجانات حسن شاكوش وزوجته ريم.
زوجة حسن شاكوش عن سجودها في الفرح
قالت زوجة حسن شاكوش، إنها تعرضت لأكثر من محنة قبل خطبتها له، مشيرة إلى أن الأمر دفعها للمواظبة على صلاة قيام الليل وانها فوجئت بحديث والدتها معها حول إعتزام شاكوش خطبتها، قائلة إنها بعد ذلك قررت السجود شكرًا مرتين لله بعد قيام الليل.
سبب سجود زوجة حسن شاكوش في فرحهم
وعقبت ريم عن سجودها يوم الفرح : «كان صعبان عليا أوي إني ملهية في موضوع الفرح ومبصليش، وكان بقالي أسبوعين قبل الفرح مش مركزة غير إني أثبت للناس إن ربنا بيعوض ومفيش حاجة اسمها تتظلمي وربنا ميديكش حقك»، ذكرت أنها ركزت على السجود لله يوم الفرح دون اكتراث لطلتها، مضيفة: «لو سجدت قدام حسن كنت هشيله الذنب، لكن ولا أهلي ولا أهل حسن ولا أصحابي عارفين اللي بيني وبين ربنا، وكان لازم أبين للناس إن في ربنا وتعويض».
زوجة شاكوش عن سجودها في الفرح: اللي مع ربنا مش بيشغله حد
وأكدت زوجة شاكوش إنها أخبرت إحدى المقربات منها بإعتزامها السجود قبل بدء الفرح: «مكنتش قادرة أتنفس ومش مرتاحة مش مركزة غير أعمل ده، وصاحبتي قالت لي هتتبهد لي، لكن قلت لها مش هحضر الفرح غير كده.. مركزتش مع حد وبعد ما قمت أنا ارتحت وأخدت نفسي، اللي مع ربنا مش بيشغله حد، أنا مش شيخ لكن أنا بحب ربنا وأحب أقرب منه، حتى لو مش ديمًا برجع له، دي حاجة مينفعش أعمل بيها شو».
زوجة شاكوش عن سجودها بالفرح: معرفش يعني إيه تريند
واختتمت: «أنا مش واحدة جاهلة ومخي واقف عشان حسن يجي يقول لي ريم أسجدي، كده كده الفرح هيطلع تريند ده حسن شاكوش، مكنتش محتاجة ولا في دماغي أصلا، معرفش يعني إيه تريند».
برنامج العرافة
ويعرض برنامج العرافة الذي تقدمه بسمة وهبة في تمام الساعة السادسة والربع مساءً بعد أذا المغرب مباشرة، الاعادة على المحور في تمام الساعة الثالثة فجرا، تستضيف بسمة وهبة عدد كبير من نجوم ومشاهير الفن والرياضة وغيرها، والتي تفجر العديد من المفاجآت بسبب الأسئلة النارية.
